كەساپاتقا قارسى تۇرعان اكتسيا

قوستاناي قالاسىنىڭ ورتالىعىنداعى قوزعالىس كۇندەگىدەن كۇشەيىپ كەتكەندەي. تاڭەرتەڭنەن باستاپ ورتالىق گۇلزار, الاڭ مەرەكەدەگىدەي بەزەندىرىلدى, جاستار, قالا تۇرعىندارى اعىلىپ كەلىپ جاتتى. شارتاراپتى شارلاعان مۋزىكا اۋەنى جازدىڭ جايدارى كۇنىمەن بىرگە ادامداردىڭ كو­ڭىلىن دە ءوسىرىپ جىبەرگەندەي. دۇنيەجۇزىلىك ناشاقورلىققا جانە زاڭسىز ەسىرتكى اينالىمىنا قارسى كۇرەس كۇنىنە وراي وبلىس ورتالىعىندا وتكەن “پرەزيدەنت كومانداسىندا كۇشتى دە, سالاماتتى قازاق­ستان ءۇشىن!” اكتسياسىنا قالانىڭ تايلى-تاياعىنا دەيىن جينالدى. قازىر ناشاقور­لىق ۇلكەننىڭ دە, كىشىنىڭ قۇلاعىنا ءتۇر­پىدەي ەستىلەدى. وبلىستىق ناركولوگيالىق ديسپانسەردىڭ ناشاقورلىق پروفيلاكتيكا­سى تۋرالى جاعالاي ءىلىپ تاستاعان پلاكات­تارىنىڭ ءوزى بۇل كەساپاتتىڭ تەك قوعامعا عانا ەمەس, بۇكىل ادامزات تىرشىلىگىنە قان­شا­لىقتى قاۋىپ اكەلەتىنىن ەسكەرتەدى. ورتالىق الاڭعا كەلگەن جۇرتشىلىق “مەن شە­شىم قابىلدايمىن”, ء“ومىر اعاشى”, “ەركىن ءومىر ءسۇر” دەگەن ترەنينگتىك جاتتى­عۋ­لارعا قاتىستى, ەسىرتكىنى ءيىسشىل يتتەر ارقىلى تابۋ سياقتى كورسەتىلىمدەردى تاماشالادى. ەسىرتكىگە قارسى اكتسيا قوستاناي قالا­سىنىڭ تەك ورتالىعىن عانا ەمەس, بارلىق شالعايىن قامتىدى. قالانىڭ وڭتۇستىك اۋدانىنىڭ تۇرعىندارى №20 ورتا مەكتەپتە بۇل كەزدە “ناشاقورلىققا جول جوق!” ادەبي كەشىنە قاتىستى, ۇگىت بريگاداسى ء“بىز سا­لاماتتى ءومىر ءۇشىن!” كونتسەرتىن قويدى. “جۇرەكتەردى جىرعا تولتىرامىز” اتتى جاس ورىنداۋ­شى­لاردىڭ ءان فەستي­ۆالى دە ەسىرتكىگە قارسى اكتسيا شەڭبەرىندە ءوتتى. سپورت جارىستارى, اسىرەسە, شاحمات پەن دويبى, جەڭىل اتلەتتەر جارىستارىنا نەگىزىنەن جاستار جاعى قاتىستى. سول كۇنى وبلىستىق ناركولوگيالىق ديسپانسەردە اشىق ەسىك كۇنى ءوتتى. – ەڭ باستىسى ەسىرتكىنىڭ قاۋپى مەن زيانى تۋرالى اقپاراتتى جاستاردىڭ, بالالاردىڭ قۇلاعىنا قۇيا بەرۋ كەرەك. وسىنداي اكتسيالاردىڭ پايداسى وتە زور. مۇنداي شارالار جاستاردىڭ قاسىرەت پەن سالاماتتى, جارقىن ءومىردىڭ ايىرىمىنا كوز جەتكىزۋىنە جاقسى ىقپال ەتەدى. ولاردى اداسپايتىن جولعا سالۋ قوعامداعى ارقايسىمىزدىڭ ءمىن­دەتىمىز, – دەيدى وبلىستىق ناركولو­گيالىق ديسپانسەردىڭ دارىگەرى ولگا پروكۋدينا. اكتسيا ءتۇننىڭ ءبىر ۋاعىنا دەيىن جالعاستى. “ادال كومەك” قوعامدىق قورى جانە وبلىستىق ىشكى ساياسات, ءبىلىم باسقارمالارىنىڭ وكىلدەرى قوستاناي قالاسىنىڭ ىرگەسىندەگى قوستاناي اۋدانىنا بارىپ, “الەم ەسىرتكىگە قارسى” اتتى كوش­پەلى اكتسيا وتكىزدى. وسىنداعى “زولوتوي كولوس” مادەنيەت ۇيىنە جينالعان اۋدان تۇرعىندارى ەسىرتكىنىڭ زيانى تۋرالى اڭگىمە تىڭدادى. سونىمەن قاتار, قوستا­ناي قالاسىنىڭ شاعىن اۋداندارىندا اكتسيا شەڭبەرىندە كونتسەرتتەر مەن جاستار ديسكوتەكالارى ءوتتى. ءنازيرا جارىمبەتوۆا. قوستاناي. سالاماتتى ءومىر – جاسوسپىرىمدەر ماقساتى “سالاماتتى قازاقستان” 2011-2015 باعدارلاماسى اياسىندا بۇل كۇندە وبلىستا ۇيىمداستىرىلىپ جاتقان شارالار كوپ. سونىڭ ءبىرى –تەمىرتاۋ قالاسىنداعى “جاس الاش” بالالار سپورتتىق ورتالىعىندا ءوتتى. ءوڭىردىڭ بارلىق اۋداندارىنان كەلگەن 14 جاسقا دەيىنگى جەتكىن­شەك­تەردىڭ سپورتتى سەرىك ەتكەن وكىلدەرى ءارتۇرلى جارىستارعا قاتى­سىپ, سالاماتتى ءومىردى قالىپتاستىرۋعا قاتىستى عالىمدار مەن دارىگەرلەر دارىستەرىن تىڭداپ, ونى ۇلگىلى ۇردىسكە اينالدىرۋ جولىنداعى ءتالىمدى تاجىربيەلەرگە قانىقتى. بۇل تۋرالى ۇكىمەتتىك ەمەس ۇيىمدار, قوعامدىق قوزعالىستار جاسوسپىرىمدەر الدىنا ءوز ءىس-قىزمەتتەرىن بايان ەتتى. اتالعان شارانىڭ تەمىرتاۋدا ءوتۋىنىڭ وزىندىك سەبەبى دە بار. وسىندا ادام دەنساۋلىعىنا, اينالاعا كەسەلىن تيگىزەتىن ورىنسىز قىلىقتارعا ۇرىنۋشىلار بالالار اراسىندا دا از ەمەس. اسىرەسە, ولاردىڭ ەسىرتكى زاتتارىن تۇتىنۋعا اۋەستىگى جۇرتشىلىقتى قاتتى الاڭداتقان قۇبىلىس.بۇعان دەيىنگى ۋاقىتقا قاراعاندا وسىناۋ جامان ارەكەت باسەڭسىگەندەي بولعانىمەن ازىرگە مۇلدەم تىيىلىپ وتىرعان جوق. كەيىنگى كەزدە ونىڭ جولىن كەسۋ باعىتىنداعى شارالاردىڭ شيراتىلۋى مەرەيلى كۇرەس ىقپالىن كۇشەيتە ءتۇسىپ كەلەدى. قازىر جەتكىنشەكتەردىڭ بوس ۋاقىتتارىن ءماندى ءارى ماعىنالى وتكىزۋىنە, تەرىس قىلىقتاردان جيرەنىپ ارىلۋىنا قولايلى جاعدايلار كەڭ. مەكتەپتەر جانىندا دەمالۋ لاگەرلەرى, تابيعاتى كورىكتى جەرلەردە دەنە تاربيەسىمەن, سۇيىكتى سپورت تۇرلەرىمەن اينالىسۋلارىنا مۇمكىندىك جەتكىلىكتى. جازدىڭ ناعىز قىزعان شاعىنداعى وسىناۋ شارا سونىڭ بىرىنە اينالدى. سالاماتتى ءومىر سالتىن بەرىكتىرۋ ەڭ الدىمەن جاستايىنان بويعا مىقتاپ قوناتىندىعى , سىڭەتىندىگى ايان. وعان تەمىرتاۋلىق ورەندەردىڭ ونەگە كورسەتىپ, باستاماشى بولۋلارى قۇپتارلىق ءۇردىس. ايقىن نەسىپباي. تەمىرتاۋ.