سونداي جوسپارلى جوبالاردىڭ ءبىرى – شۋ اۋدانىنداعى «جىبەك جولى» ارنايى ەكونوميكالىق ايماعىنىڭ اۋماعىنداعى مەتاللۋرگيالىق زاۋىت. كاسىپورىن قۇرىلىسىنىڭ باستالۋ سالتاناتىنا جامبىل وبلىسىنىڭ اكىمى ەربول قاراشوكەەۆ قاتىستى.
قىتايدىڭ جەتەكشى مەتاللۋرگيالىق كومپانياسى – Fujian Hengwang Investment Co., Ltd وندىرىستىك قۋاتى جىلىنا 3 ملن تونناعا دەيىن جەتەتىن مەتاللۋرگيالىق زاۋىت سالادى.
ينۆەستيتسيا كولەمى – 564 ملرد تەڭگەنى قۇرايدى. جوبا اياسىندا 2,5 مىڭ جۇمىس ورنى اشىلادى. العاشقى كەزەڭدە 1000-نان استام ادام جۇمىسپەن قامتىلادى.
كومپانيا ۇلكەن تاجىريبەسىن پايدالانا وتىرىپ, ساپالى جانە باسەكەگە قابىلەتتى ءونىم ءوندىرۋ ءۇشىن تەمىر رۋداسىن تەرەڭ وڭدەۋدىڭ تولىق تسيكلىن جولعا قويۋعا نيەتتى: – ءبىرىنشى كەزەڭدە 1 ملن تونناعا دەيىن ارماتۋرا, سوزبا سىم, بۇرىشتى بولات, – ەكىنشى كەزەڭدە 2 ملن توننا ءپروفيلدى جانە جولاقتى بولات شىعارىلماق.
– مەملەكەت باسشىسى قاسىم-جومارت كەمەل ۇلى توقاەۆ پەن ەل ۇكىمەتىنىڭ قولداۋىنىڭ ارقاسىندا وڭىردە قولايلى ينۆەستيتسيالىق احۋال قالىپتاسىپ, ءىرى حالىقارالىق جوبالار ىسكە اسىرىلۋدا. ەكونوميكانىڭ ستراتەگيالىق سالالارى جۇيەلى تۇردە دامىپ كەلەدى.
جامبىل وبلىسىنىڭ ينۆەستيتسيالىق قورجىنىندا جالپى قۇنى 3,6 تريلليون تەڭگە بولاتىن, 10 مىڭنان استام جۇمىس ورنىن قۇرۋدى كوزدەيتىن 82 جوبا بار. 2025 جىلى جالپى سوماسى 175,2 ميلليارد تەڭگەگە 30 جوبانى ىسكە اسىرۋ جوسپارلانعان. بيىلعى جىلدىڭ ءبىرىنشى توقسانىندا وتكەن جىلدىڭ سايكەس كەزەڭىمەن سالىستىرعاندا 37,1 پايىزعا كوپ ينۆەستيتسيا تارتىلدى, – دەدى وبلىس اكىمى.
«Fujian Hengwang Investment Co., Ltd» كومپانياسىنىڭ باسقارما توراعاسى تسزەن چجاوتسيان مەملەكەت تاراپىنان كورسەتىلگەن قولداۋعا العىسىن ءبىلدىرىپ, جوبا قازاقستان مەن قىتاي اراسىنداعى بايلانىستى نىعايتۋداعى قوسىمشا دانەكەر بولاتىنىنا سەنىم ءبىلدىردى.
