بۇل شابىتتاندىراتىن وقيعانىڭ باستاماشىلارى – الماتىداعى حيميا-بيولوگيا باعىتىنداعى NIS وقۋشىلارى ايسۇلتان امانعوس پەن ناربول قاسىمحان. ولار وقۋ جىلى بويى اتاقتى فۋتبول قۇراماسىمەن حات الماسىپ, مەكتەپتىڭ سپورتتىق جەتىستىكتەرى مەن NIS-ءتىڭ باستامالارى تۋرالى ءبولىسىپ وتىردى.
جاۋاپ رەتىندە «ليۆەرپۋل» فك جاس فۋتبولشىلارعا العىستارىن جەتكىزىپ, كوماندانىڭ نەگىزگى ويىنشىلارى قول قويعان رەسمي سەرتيفيكات جولدادى.
«كوپتەگەن وقۋشىلارىمىز كاسىبي فۋتبولشى بولۋدى ارماندايدى. ال بۇل سەرتيفيكات وزىمىزگە دەگەن سەنىمىمىزدى ودان سايىن ارتتىرادى. ولاردىڭ جىگەرلەندىرەتىن سوزدەرى ءبىزدى العا جىلجۋعا, جاتتىعۋعا جانە جاڭا بەلەستەردى باعىندىرۋعا شابىتتاندىرادى. بۇل كوپ ەڭبەكتەنگەن ادام كەز كەلگەن ارمانعا قول جەتكىزە الاتىنىن ەسكە سالادى», دەيدى ايسۇلتان امانعوس.
ەندى اڭىزعا اينالعان Cafu قولتاڭباسىمەن بىرگە NIS قورجىنىندا حالىقارالىق اتاعى بار سيمۆولداردىڭ ءبىرى – ليۆەرپۋل سەرتيفيكاتى بار.
ايتا كەتەيىك, انگليانىڭ 19 دۇركىن چەمپيونى, چەمپيوندار ليگاسىنىڭ 6 دۇركىن جەڭىمپازى جانە باسقا دا كوپتەگەن حالىقارالىق جانە ۇلتتىق اتاعى بار «ليۆەرپۋل» فۋتبول كلۋبى ءوزىنىڭ نازارى مەن قولداۋىمەن بۇكىل الەم بويىنشا جاس سپورتشىلاردى شابىتتاندىرىپ كەلەدى.
