«سامۇرىق-قازىنا» عىلىمي جوبالاردى قارجىلاندىرۋ ارقىلى ءوندىرىستىڭ تيىمدىلىگىن ارتتىرادى

«سامۇرىق-قازىنانىڭ» باس­قارما توراعاسى نۇرلان جا­قىپوۆتىڭ ايتۋىنشا, 2024 جىلى قوردىڭ كومپانيالارى توبىنا يننوۆاتسيالار مەن تەح­نولوگيالىق شەشىمدەردى جەدەل ەنگىزۋ ماقساتىندا جاڭا عىلىمي-تەحنيكالىق سايا­سات قابىلدانعان. وسىلايشا, عىلى­مي جوبالاردى زەرتتەۋ, ىرىكتەۋ, ولاردى وندىرىسكە ەنگىزۋ ءۇشىن قارجىلاندىرۋ جۇمىستارى قولعا الىندى.

بىلتىر «سامۇرىق-قازىنا» توبىنا كىرەتىن كومپانيا­لار عىلىمي-زەرتتەۋ جانە تاجى­ريبەلىك-كونسترۋكتورلىق جۇ­مىستاردى قارجىلاندىرۋعا 11,9 ملرد تەڭگە بولگەن. ونىڭ ىشىندە 7,7 ملرد تەڭگەدەن استام قاراجات عىلىمي-تەحنيكالىق قىزمەتتىڭ بىرىڭعاي وپەراتورى – «سامعاۋ» ورتالىعىنا باعىتتالدى.

2024 جىلدىڭ سوڭىنا قاراي عىلىمي جوبالاردى قار­جى­لاندىرۋ بويىنشا 4 شارت جاسالىپ, ولار بيىل اياقتالادى دەپ جوسپارلانىپ وتىر. تاعى 24 جوبا ماقۇلدانىپ, ىرىك­تەۋ­دىڭ كەلەسى كەزەڭى بويىنشا قا­راستىرىلىپ جاتىر.

بولجام بويىنشا, 2,8 ميل­ليارد تەڭگەگە ىسكە اسىرىلىپ جاتقان 4 جوبانىڭ ەكو­نو­مي­كالىق تيىمدىلىگى الداعى 5 جىلدا 196 ملرد تەڭگە بولماق. بۇل اتالعان جوبالاردى ىسكە اسىرۋ قۇنىنان 70 ەسە ارتىق. دەمەك پايداسى ۇشان-تەڭىز.

مىسالى, وسىنداي جوبا­لاردىڭ ءبىرى – «قارا­جانباس­مۇناي» كومپانياسىنىڭ جەر قوي­ناۋىن قاۋىپسىز ءارى ەكولو­گيالىق بارلاۋعا ارنالعان جوباسى. يمپۋلستىك سەيسميكالىق بارلاۋ تەحنولوگياسى مۇنايدىڭ قوسىمشا قورىن انىقتاۋعا جانە «قاراجانباسمۇناي» كەن ورنىندا وندىرىلەتىن مۇناي قورىن 2 ملن تونناعا دەيىن ارتتىرۋعا مۇمكىندىك بەرەدى.

ال «KEGOC» كومپا­نيا­سىنىڭ باسشىسى ءنابي ايت­جا­نوۆتىڭ ايتۋىنشا, سوڭعى 5 جىلدا اتالعان ۇيىم 8 عى­لىمي-زەرتتەۋ جانە تاجىري­بەلىك-كونسترۋكتورلىق جوبانى ىسكە اسىرعان جانە ولار­دىڭ كوبى گرانت ەسەبىنەن قارجى­لان­دىرىلعان. كومپانيا جىل سايىن عىلىمي-تەحنيكالىق شەشىمدى تالاپ ەتەتىن تەحنو­لوگيالىق تاپسىرمالاردى انىق­تاپ, ولاردى شەشۋ جولدا­رىن قاراستىرادى.

«قازاتومونەركاسىپ» 2023 جىلى جالپى قۇنى 6,6 ملرد تەڭگەگە 51 جوبانى جۇزەگە اسىرعان. بۇل تۋرالى ۇيىم باس­شىسى مەيىرجان يۋسۋپوۆ مالىمدەدى. اياقتالعان جوبا­لار­دىڭ قاتارىندا – جوندەۋ-قال­پىنا كەلتىرۋ جۇمىستارىندا فتورسۋتەكتى قىشقىلدى پايدالانۋ تەحنولوگياسى, اممياكتى ءسۇزۋ جۇيەسى, يىركول كەنىشىنىڭ جۇمىسىندا روبوتتاندىرىلعان شەشىمدەردى قولدانۋ سياقتى جوبالار بار.

ال قىزىلوردا وبلىسىندا­عى «اقشابۇلاق» كەن ورنىندا ىلەسپە گازدى قايتا وڭدەۋگە ارنال­عان كەشەندى يننوۆاتسيالىق شەشىم ازىرلەندى. ناتيجەسىندە, جەڭىل كومىرسۋتەكتەردى, ونىڭ ىشىندە ساپالى پروپان-بۋتاندى ءبولىپ الۋعا مۇمكىندىك بەرەتىن تەحنولوگيانىڭ ارقاسىندا ىلەسپە گازدى قايتا وڭدەۋ كورسەتكىشى 33%-عا ارتتى. بۇل جوبا جەرگىلىكتى ءوندىرىستى دامى­تىپ, يمپورتتى الماستىرۋ ما­سەلەسىن دە شەشۋگە ىقپال ەتەدى.

2025 جىلى «سامعاۋ» ور­تالىعى عىلىم جانە جوعارى ءبىلىم مينيسترلىگىمەن ىنتى­ماقتاستىقتى جالعاستىرماق جانە بىرلەسىپ تەحنولوگيالىق سەسسيالار وتكىزۋدى جوسپارلاپ وتىر. سونىمەن قاتار «Samruk Business Academy» ۇيىمىمەن بىرگە قىزمەتكەرلەردىڭ عىلىمي باعىتتاعى بىلىكتىلىكتەرىن ارتتىرۋ ماقساتىندا ارنايى كۋرستار ۇيىمداستىرادى.

جيىن سوڭىندا «سامۇ­رىق-قازىنا» باس­شىسى نۇرلان جاقىپوۆ قور كومپا­نيا­لا­رىنداعى بارلىق عىلىمي قىز­مەت­كەرلەردى ايتۋلى مەرەكەمەن قۇتتىقتاپ, عىلىم مەن ءون­دىرىستىڭ ءوزارا بايلانىسىن ءارى قاراي دامىتۋ جۇمىستارىنا بەلسەندى تۇردە اتسالىسۋدى تاپسىردى.