دەپارتامەنت باستىعى, پوليتسيا پولكوۆنيگى سەرىك ەرگەشەۆ جىلدامدىقتى ارتتىرۋ, قارسى باعىتقا شىعۋ, اۆتوكولىكتى ماس كۇيدە باسقارۋ جول-كولىك وقيعالارىنىڭ باستى سەبەبى بولىپ وتىرعانىنا توقتالىپ ءوتتى.
وڭىردە جىل باسىنان جول قوزعالىسىن بۇزۋدىڭ 58 مىڭ دەرەگى انىقتالىپتى. اۆتوكولىكتى ماس كۇيدە باسقارعان 188 جۇرگىزۋشى ۇستالىپ, كولىك قۇرالىن جۇرگىزۋ قۇقىعىنان ايىرىلدى.
«جول-كولىك وقيعاسىنىڭ الدىن الۋ ماقساتىندا كۇندەلىكتى تالداۋ جاساپ, ناريادتى كۇشەيتۋ ۇستىندەمىز. جەدەل-پروفيلاكتيكالىق ءىس-شارالار تۇراقتى جانە ۇزدىكسىز جۇرگىزىلىپ وتىر. الدا دا بۇل ماسەلە باستى نازاردا بولادى», دەدى دەپارتامەنت باسشىسى.
