فوتو: اشىق دەرەككوز
سوناۋ 1995 جىلى تاجىك-اۋعان شەكاراسىندا سودىرلارمەن بولعان قارۋلى قاقتىعىستا 17 قازاقستاندىق وققا ۇشىپ, وتىزدان استام سارباز جاراقات العانى ەستە.
ء«بىز جىل سايىن بوزداقتاردى ەسكە الامىز. ءبىر جاعىنان ەسىل ەرلەردىڭ ارۋاعىنا كورسەتىلگەن قۇرمەت بولسا, ەكىنشى جاعىنان جەلكىلدەپ ءوسىپ كەلە جاتقان جاس ۇرپاقتى ەرلىككە تاربيەلەۋدىڭ مىسالى. نەگىزىندە جاستار ەل قورعاۋ جولىندا وپات بولعان باتىرلاردىڭ ەرلىك ءىسىن بىلۋگە ءتيىس», دەيدى «اۋعان سوعىسى ارداگەرلەرى مەن مۇگەدەكتەرىنىڭ وداعى» قوعامدىق بىرلەستىگىنىڭ توراعاسى دۋانباي ىبىراي.
ەستەلىك ايتۋشىلاردىڭ سوزىنە قاراعاندا, جەتىنشى قۇراما بىتىمگەرشىلىك روتاسى تۇتقيىلدان جاسالعان شابۋىلعا تاپ بولعان. قارۋلى قاقتىعىس بەس ساعاتقا سوزىلىپتى. ءبىزدىڭ جاۋىنگەرلەر اسكەري بورىشىن ابىرويمەن اتقارعان. قازاقستان رەسپۋبليكاسى پرەزيدەنتىنىڭ جارلىعىمەن قازا تاپقان جاۋىنگەرلەردىڭ بەسەۋى ەكىنشى دارەجەلى «ايبىن» وردەنىمەن, وزگەلەرى «جاۋىنگەرلىك ەرلىگى ءۇشىن» مەدالىمەن ماراپاتتالعان.
قاقتىعىسقا قاتىسۋشىلاردىڭ ءبىرى تالعات قادىرجانوۆ ءوز سوزىندە قاندى وقيعانىڭ قالاي وربىگەنى تۋرالى ايتىپ بەردى. جۇرەك تەبىرەنتەرلىك اسەرلى ەستەلىك بولدى.
