فوتو: اشىق دەرەككوز
اتىراۋ وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى نۇرگۇل قاليەۆانىڭ ايتۋىنشا, «ينستيتۋت كازگيپروۆودحوز» جشس-مەن كەلىسىم جاسالعان. سۋ قويماسىن جىلىوي اۋدانىنىڭ ورتالىعى – قۇلسارى قالاسىنان 60 شاقىرىم قاشىقتىقتا سالۋ جوسپارلانىپ وتىر.
وسىعان بايلانىستى سۋ قويماسىنىڭ تەحنيكالىق-ەكونوميكالىق نەگىزدەمەسى العاش رەت تالقىلاندى. سۋ قويماسىنىڭ تەحنيكالىق-ەكونوميكالىق نەگىزدەمەسىنىڭ ءۇش نۇسقاسى بار. تالقىلاۋدان كەيىن 220 ملن تەكشە مەتر سۋ جينالاتىن نۇسقاسى تاڭدالدى.
«جىلىوي اۋدانىندا سۋ قويماسىن سالۋ – كەڭەس وداعى كەزىندە دە كوتەرىلدى. ەندى بۇل ماسەلە قايتا قوزعالدى. جوبانىڭ تيىمدىلىگى ەسكەرىلەدى. سۋ قويماسى قۇلسارى قالاسى مەن ەلدى مەكەندەردى, مال جانە ەگىن شارۋاشىلىعىمەن اينالىساتىن شارۋا قوجالىقتارىن سۋمەن قامتيدى. الداعى ۋاقىتتا ناقتى ۇسىنىستار بويىنشا تەحنيكالىق-ەكونوميكالىق نەگىزدەمەگە سايكەس جوبالىق-سمەتالىق قۇجاتى جاساقتالادى», دەيدى نۇرگۇل قاليەۆا.
ونىڭ پىكىرىنشە, سۋ قويماسى بىرنەشە ماسەلەنى وڭ شەشۋگە ىقپال ەتەدى. بىرىنشىدەن, جىلىوي اۋدانىنىڭ ەلدى مەكەندەرىن سۋ تاسقىنىنان قورعايدى. ەكىنشىدەن, اۋداننىڭ ەكولوگيالىق احۋالىن جاقسارتادى. ۇشىنشىدەن, ەكونوميكالىق تۇراقتىلىقتى قامتاماسىز ەتەتىن ماڭىزدى ينفراقۇرىلىمدىق نىسانعا اينالادى.
بىراق سۋ قويماسىنىڭ قۇرىلىسىنا قاجەتتى قارجىنىڭ قايدان بولىنەتىنى ناقتىلانعان جوق. جوبانى ىسكە اسىرۋ مەرزىمى ايتىلمادى.
