فوتو: جوعارعى سوت
قالالىق پوليتسيا دەپارتامەنتىنىڭ مالىمەتىنشە, ەر ادام 2024 جىلدىڭ جەلتوقسان ايىندا ماس كۇيىندە جەدەل قىزمەتكە قوڭىراۋ شالىپ, قالاداعى ساۋدا ورتالىقتارىنىڭ بىرىندە جارىلىس بولاتىنىن حابارلاعان.
قۇقىق قورعاۋ ورگاندارى شۇعىل تۇردە نىساندى تەكسەرىپ, ادامداردى ەۆاكۋاتسيالاعان. الايدا, حابارلامانىڭ جالعان ەكەنى انىقتالعان. بۇل وقيعا ارنايى قىزمەتتەردىڭ جۇمىسىنا كەدەرگى كەلتىرىپ, ماتەريالدىق شىعىنعا سەبەپ بولعان.
سوت ەر ادامدى جالعان اقپارات تاراتقانى ءۇشىن كىنالى دەپ تانىپ, ءبىر جىلعا باس بوستاندىعىنان ايىردى.
الماتى قالالىق پد ەكسترەميزمگە قارسى كۇرەس باسقارماسىنىڭ باستىعى اسحات داۋلەتياروۆ ازاماتتاردى جاۋاپكەرشىلىككە شاقىرىپ, مۇنداي ارەكەتتەردىڭ جازاسىز قالمايتىنىن ەسكەرتتى.
«تەررورلىق اكتىلەر تۋرالى جالعان حابارلامالار توتەنشە جاعدايلار قىزمەتىن ناقتى جۇمىستان الشاقتاتىپ, قوعامدا ۇرەي تۋعىزادى. مۇنداي زاڭ بۇزۋشىلىقتار قىلمىستىق جاۋاپكەرشىلىككە اكەلەدى», دەدى ول.
