سۋ قويمالارىنىڭ قازىرگى جاعدايى قانداي

27 ناۋرىز كۇنگى جاعداي بويىنشا سۋ قويمالارىنا قانشا تەكشە مەتر سۋ جىبەرىلىپ جاتقانى ءمالىم بولدى:

اقمولا وبلىسىندا استانا سۋ قويماسىنان سەكۋندىنا 1,5 تەكشە مەتر, سىلەتى سۋ قويماسىنان 150 تەكشە مەتر, شاعالالى سۋ قويماسىنان 8,3 تەكشە مەتر سۋ.

اقتوبە وبلىسىنداعى اقتوبە سۋ قويماسىنان سەكۋندىنا 10 تەكشە مەتر, قارعالى سۋ قويماسىنان سەكۋندىنا 0,5 تەكشە مەتردەن سۋ جىبەرىلسە, بىلتىر رەكونسترۋكتسيا جاسالعان 2 سۋ قويماسى بەلسەندى سۋ جيناپ جاتىر, بۇگىندە 67%-عا تولى.

شىعىس قازاقستان وبلىسىندا بۇقتىرما سۋ قويماسىنان سەكۋندىنا 620 تەكشە مەتر, ال, وسكەمەن سۋ قويماسىنان 600 تەكشە مەتر سۋ.

اباي وبلىسىنداعى ءشۇلبى سۋ قويماسىنان سەكۋندىنا 660 تەكشە مەتر.

باتىس قازاقستان وبلىسىندا كيروۆ سۋ قويماسىنان سەكۋندىنا 12,2 تەكشە مەتر, بىتىك سۋ قويماسىنان سەكۋندىنا 9,3 تەكشە مەتر, دوڭگەلەك جانە پياتيمار سۋ قويمالارىنان سەكۋندىنا 2,2 تەكشە مەتردەن سۋ جىبەرىلىپ جاتىر.

قاراعاندى وبلىسىندا ىنتىماق سۋ قويماسىنان سەكۋندىنا 10 تەكشە مەتر, سامارقاند سۋ قويماسىنان 5 تەكشە مەتر سۋ.

ۇلىتاۋ وبلىسى كەڭگىر سۋ قويماسىنان سەكۋندىنا 4,7 تەكشە مەتر.

قوستاناي وبلىسىندا جوعارعى توبىل سۋ قويماسىنان سەكۋندىنا 1,1 تەكشە مەتر, قاراتومار سۋ قويماسىنان سەكۋندىنا 3 تەكشە مەتر. قازىر ەكى نىسان دا بەلسەندى سۋ جيناپ, ورتا ەسەپپەن 68%-عا تولدى.

سولتۇستىك قازاقستان وبلىسىندا سەرگەەۆ سۋ قويماسىنان سەكۋندىنا 493,2 تەكشە مەتر, پەتروپاۆل سۋ قويماسىنان 195 تەكشە مەتر سۋ جىبەرىلىپ جاتىر.