فوتو: جوعارعى سوت
ءىس ماتەريالدارىنا سايكەس, مۋزەي-قورىقتىڭ يەلىگىندە ايشا-ءبيبى كەسەنەسى بار, وعان 2 گەكتار جەر ۋچاسكەسى تۇراقتى جەر پايدالانۋ قۇقىعى بەرىلگەن. الايدا, بەس كاسىپكەر بۇل اۋماقتا زاڭسىز كوممەرتسيالىق قىزمەت جۇرگىزىپ, عيماراتتاردى يەمدەنىپ العان.
مۋزەي-قورىق باسشىسى سوتقا جۇگىنىپ, زاڭسىز يەلەنگەن عيماراتتاردى بوساتۋدى تالاپ ەتكەن.
ء«تورت جاۋاپكەر تالاپ قويۋدى مويىنداماعان, كاسىپكەرلەردىڭ ءبىرى داۋلى عيماراتتاردى 2010 جىلى ءوز قاراجاتىنا سالىپ, كەيىن ولارعا ساۋدا جاساۋ ءۇشىن تەگىن بەرگەنىن مالىمدەگەن. بەسىنشى جاۋاپكەر تالاپ قويۋدى مويىنداعان», دەلىنگەن حابارلامادا.
جامبىل اۋداندىق سوتى مۋزەيدىڭ تالاپ-ارىزىن قاناعاتتاندىرىپ, كاسىپكەرلەردىڭ عيماراتتاردى زاڭسىز يەلەنگەنىن راستاعان.
«تالاپ قويۋ قاناعاتتاندىرىلدى: سوت كاسىپكەرلەرگە زاڭسىز يەلەنگەن ءۇي-جايدى بوساتۋدى مىندەتتەدى. جاۋاپكەرلەر بۇل شەشىمگە اپەللياتسيالىق تارتىپپەن شاعىم تۇسىرگەن. الايدا, جامبىل وبلىستىق سوتى ءبىرىنشى ساتىداعى سوتتىڭ تۇجىرىمىمەن كەلىسىپ, شەشىمدى وزگەرىسسىز قالدىردى», دەلىنگەن حابارلامادا.
قاۋلى زاڭدى كۇشىنە ەندى.
