فوتو: senate.parlam.kz
دەپۋتاتتىڭ پىكىرىنشە, قۇرىلتايدا قازاقستان دامۋىنىڭ نەگىزگى باعىتتارى, سونىڭ ىشىندە ەكونوميكانى رەفورمالاۋ, الەۋمەتتىك ساياسات, زاڭ مەن ءتارتىپتى نىعايتۋ, يدەولوگيالىق جۇمىستاردى جۇيەلەۋ ماسەلەلەرى تالقىلاندى. پرەزيدەنت ءوزىنىڭ باعدارلامالىق بايانداماسىندا قازىرگى جاعدايعا جان-جاقتى تالداۋ جاساپ, كوپتەگەن ماسەلەلەر بويىنشا جۇيەلى شەشىمدەر ۇسىنىپ, بولاشاققا ارنالعان مىندەتتەردى بەلگىلەدى.
«يدەولوگيا – قوعامنىڭ قۇندىلىعىن, ساياسي جانە مادەني باعدارلارىن قالىپتاستىراتىن نەگىزگى فاكتورلاردىڭ ءبىرى. قازىرگى جاھاندانۋ داۋىرىندە ونىڭ ءرولى كۇشەيگەنى ءسوزسىز.
مەملەكەت باسشىسى يدەولوگيالىق جانە گۋمانيتارلىق جوبالاردىڭ ماڭىزدىلىعىنا توقتالىپ, ىشكى ساياسات تۇجىرىمداماسىن ازىرلەۋ جانە ۇكىمەتتىك ەمەس ۇيىمدار تۋرالى زاڭنامانى جەتىلدىرۋدى تاپسىردى», دەپ جازدى ب.جەكسەنباي.
سەناتوردىڭ سوزىنشە, جاھاندانۋ مەن تەحنولوگيالىق ۇردىستەردىڭ كەرى اسەرىنەن بىرىڭعاي جاھاندىق مادەنيەت قالىپتاسىپ, ارتۇرلىلىكتىڭ جويىلۋ قاۋپى تۋىنداۋى مۇمكىن. جىل سايىن جاھاندانۋدان جويىلىپ كەتىپ جاتقان مادەنيەتتەر از ەمەس.
«سوندىقتان ۇلتتىق بىرەگەيلىكتى ساقتاۋ جانە جاڭعىرتۋعا ەرتەڭىن ويلاعان ەلدەر وزدەرىنىڭ مادەني جانە تاريحي ەرەكشەلىكتەرىن قورعاۋعا باسىمدىق بەرەدى. پرەزيدەنتىمىزدىڭ بۇل ماسەلەگە باسىمدىق بەرگەنى قۋانتتى.
گەتە, سەرۆانتەس, كونفۋتسي ورتالىقتارى سياقتى شەتەلدە اباي (بيىل 180 جىلدىق مەرەيتويى) ينستيتۋتتارىن اشۋدى قولعا الۋ ماڭىزدى قادام. «اباي ينستيتۋتى» نەگىزگى سەرىكتەس ەلدەردىڭ بارىندە ءتول مادەنيەتىمىزدى ناسيحاتتايتىن ورتالىق بولۋعا ءتيىس.
ەسكە سالايىق, مەملەكەت باسشىسى: «اباي ينستيتۋتى» نەگىزگى سەرىكتەس ەلدەردىڭ بارىندە ءتول مادەنيەتىمىزدى ناسيحاتتايتىن ورتالىق بولۋعا ءتيىس. بىرقاتار ەلدە, مىسالى, قىتاي, تۇركيا, موڭعوليا جانە باسقا دا مەملەكەتتەردە وسىنداي ورتالىقتار اشىلاتىن بولدى. سىرتقى ىستەر مينيسترلىگى مەن «وتانداستار» قورىنا مادەنيەت جانە اقپارات مينيسترلىگىمەن بىرلەسىپ, شەتەلدە وسىنداي ورتالىقتار اشۋ ماسەلەسى بويىنشا ءتيىستى جۇمىستى جالعاستىرۋدى تاپسىرامىن», دەگەن ەدى.
سونداي-اق, دەپۋتاتتىڭ ايتۋىنشا, بيولوگيالىق ارتۇرلىلىكتى ساقتاۋ جونىندەگى حالىقارالىق قور, ۇلتتىق تسيفرلىق ارحيۆ قۇرۋ جانە «قازاقستان بالالارى» بىرىڭعاي باعدارلاماسىن ىسكە قوسۋ ەلىمىز ءۇشىن ستراتەگيالىق ماڭىزدى جوبالار.
«قازاقستان تاۋەلسىزدىگىنىڭ 40 جىلدىعىنا ەكونوميكالىق جانە ينفراقۇرىلىمدىق باستامالار ايقىندالدى. ولار: تسيفرلاندىرۋ جانە جاساندى ينتەللەكت, كولىك جانە ترانزيت, ەنەرگەتيكا, اگروونەركاسىپ كەشەنى, ادامي كاپيتال. الداعى ءتورت جىل ىشىندە جىل سايىن 200-گە جۋىق ينۆەستيتسيالىق جوبانى ىسكە قوسۋ, 2025-2026 جىلدارى ءىرى ينفراقۇرىلىمدىق جوبالاردى جۇزەگە اسىرۋ, ال, بيىل ناقتى سەكتوردى قارجىلاندىرۋدى ەكى ەسەگە ارتتىرۋ (8 ترلن تەڭگەگە دەيىن), كەلەسى جىلدارى 10 ترلن تەڭگەگە جەتكىزۋ, استانادان ارقالىق, تورعاي, ىرعىز ارقىلى ءوتىپ, ترانسكاسپي حالىقارالىق كولىك دالىزىنە شىعاتىن اۆتوجول سالۋ ەلىمىزدەگى ەكونوميكالىق-ينفراقۇرىلىمدىق جۇزەگە اسىرىلاتىن جۇمىستاردىڭ ءبىر پاراسى عانا. پارلامەنت پەن ۇكىمەتتىڭ الدىنداعى مىندەت – شەكارا ماڭىنداعى اۋماقتاردى دامىتۋ تۋرالى جاڭا زاڭ ازىرلەۋ», دەپ جازعان سەناتور.
ەسكە سالايىق, ۇلتتىق قۇرىلتايدا پرەزيدەنت: ء«بىز ءۇشىن ەشكىم ەلىمىزدى دامىتىپ, كوركەيتىپ بەرمەيدى. قازاقستان ءوز ازاماتتارىمىزعا, ياعني بىزگە عانا كەرەك. ءبىز ءوز مۇمكىندىگىمىز بەن كۇش-قۋاتىمىزعا ارقا سۇيەۋىمىز قاجەت. سوندىقتان ۇلت رەتىندە العا باسۋعا نە كەدەرگى بولسا, سونىڭ بارىنەن ارىلىپ, ساپالى ۇلت بولۋعا ءتيىسپىز», دەگەن ەدى.
«قاسىم-جومارت كەمەل ۇلى: «ەلىمىزدى جاھانعا جايىلىپ كەلە جاتقان وزگەرىستەرگە دايىنداپ, قازاقستاندى كەز كەلگەن سىن-قاتەرگە توتەپ بەرە الاتىن قۋاتتى مەملەكەت ەتۋىمىز كەرەك. بۇل – مەنىڭ پرەزيدەنت رەتىندەگى باستى ميسسيام. بۇل – تۇتاس ۇلتىمىزعا ورتاق ماڭىزدى مىندەت», ەكەنىن باسا ايتتى.
ۇلتتىق قۇرىلتاي وسىلايشا قازاقستان قوعامىنىڭ بىرىگۋىنە جانە ەلدىڭ ۇزاق مەرزىمدى دامۋىنىڭ ستراتەگيالىق باعىتتارىن ايقىنداۋدا باستى ءرول اتقارادى», دەپ تۇيىندەگەن دەپۋتات.
