فوتو: ilyas-dautov/unsplash
ونىڭ ايتۋىنشا, 2024 جىلدىڭ توعىز ايىندا الماتىعا 1,7 ميلليون تۋريست كەلگەن, ونىڭ 1,2 ميلليونى – ىشكى تۋريستەر, ال 500 مىڭى – شەتەلدىك قوناقتار. بۇل وتكەن جىلدىڭ ءدال وسى كەزەڭىمەن سالىستىرعاندا 14,2%-عا كوپ ەكەنى بەلگىلى بولدى.
«الماتى قالاسىنىڭ تۋريستىك ينفراقۇرىلى قارقىندى دامىپ كەلەدى. 2024 جىلى مەگاپوليستەگى ورنالاستىرۋ ورىندارىنىڭ سانى 366-عا جەتتى, بۇل وتكەن جىلمەن سالىستىرعاندا 21 ورىنعا كوپ. تۋريستىك ورنالاستىرۋ سالاسىندا كورسەتىلگەن قىزمەتتىڭ جالپى كولەمى 70 ميلليارد تەڭگەگە جەتتى», دەدى ەرجان ەركىنباەۆ.
ايتا كەتەيىك, وتكەن جىلى مەملەكەت تاراپىنان ءتۋريزمدى قولداۋ كولەمى 2,5 ەسە ارتقان. مەملەكەتتىك باعدارلاما اياسىندا 32 جوباعا قولداۋ كورسەتىلگەن. ونىڭ ىشىندە تۋريستىك نىساندار قۇرىلىسى, قوناق ءۇي قىزمەتىن جاقسارتۋ جانە كولىك قۇرالدارىن دامىتۋ شارالارى بار.
سونىمەن قاتار دۇنيەجۇزىلىك ەكونوميكالىق فورۋمنىڭ رەيتينگىندە قازاقستان تۋريستىك باعىتتار تىزىمىندە 119 مەملەكەت ىشىندە 52-ورىنعا يە بولعان.
