فوتو: استانا قالاسى اكىمدىگى
ەندى استانا قالاسىندا مەملەكەت مۇلكى مەن جەكەنىڭ دۇنيەسىنە زيان كەلتىرگەندەردىڭ سۋرەتى بيىكتىگى 65 مەتر بولاتىن اينالما دوڭگەلەگىنەن كورسەتىلەدى. اكىمدىك بۇل ءادىس ارقىلى وسى ماسەلەگە قوعامنىڭ نازارىن اۋدارىپ, بۇزاقىلىقتىڭ الدىن الۋدى كوزدەپ وتىر.
ء«ۆانداليزمنىڭ الدىن الۋ جۇمىستارى قالالىق پروكۋراتۋرا مەن پوليتسيا دەپارتامەنتىنىڭ ۇيلەستىرۋىمەن «قۇقىق جانە ءتارتىپ» اياسىندا جۇرگىزىلىپ جاتىر. 2025 جىلدىڭ باسىنان بەرى بۇزاقىلىق جاساعانى ءۇشىن 25 ادام جاۋاپقا تارتىلدى. ونىڭ 11-ىنە ايىپپۇل سالىنىپ, 14-ءى اكىمشىلىك قاماۋعا الىندى», دەلىنگەن اكىمدىك حابارلاماسىندا.
بىلتىر استانادا بۇزاقىلىق جاساعان 350-گە جۋىق ادام جاۋاپكەرشىلىككە تارتىلعان. ايتا كەتەيىك, بۇزاقىلىق ءۇشىن اكىمشىلىك جانە قىلمىستىق جاۋاپكەرشىلىك قاراستىرىلعان.
