فوتو: تەمىرجول جانە سۋ كولىگى كوميتەتى
ولار – قازاقستان-بريتان تەحنيكالىق ۋنيۆەرسيتەتى (كبتۋ) جانە ش.ەسەنوۆ اتىنداعى كاسپي تەحنولوگيالار جانە ينجينيرينگ ۋنيۆەرسيتەتىنىڭ (كۋتي) جانىنداعى تەڭىز اكادەميالارى.
كبتۋ 94 كادەت (89-ى گرانتتا) «كەمە جۇرگىزۋ», «كەمەلىك ەنەرگەتيكالىق قوندىرعىلاردى پايدالانۋ / كەمە مەحانيكاسى» ماماندىقتارى بويىنشا ءبىلىم الادى.
كۋتي– 156 كادەت (87-ءى گرانتتا) - «كەمە جۇرگىزۋ», «كەمەلىك ەنەرگەتيكالىق قوندىرعىلاردى پايدالانۋ», «كەمە ەلەكتروقوندىرعىلارى مەن اۆتوماتيكا قۇرالدارىن پايدالانۋ», «پورتتار مەن كولىك تەرمينالدارىنىڭ تيەۋ-ءتۇسىرۋ جابدىقتارىن پايدالانۋ» باعىتتارىندا وقيدى. مامانداردى دايارلاۋ 1978 جىلعى «تەڭىزشىلەردى دايارلاۋ, ديپلومداۋ جانە ۆاحتالىق قىزمەت اتقارۋ تۋرالى حالىقارالىق كونۆەنتسياسىنا» (پدنۆ) سايكەس جۇرگىزىلەدى.
كولىك مينيسترلىگىنە قاراستى تەمىرجول جانە سۋ كولىگى كوميتەتىنىڭ ءباسپاسوز قىزمەتىنىڭ مالىمدەۋىنشە 1 جىل بويى كادەتتەر كاسپي تەڭىزىندە قازمورترانسفلوت, Caspian Offshore Construction, P&O Maritime Logistics, AB فلوت سىندى كەمەلەردە تاجىريبە الادى. ال جىل سايىن قازاقستان-بريتان تەحنيكالىق ۋنيۆەرسيتەتىنىڭ ۇزدىك كادەتتەرى ەيندراحت جەلكەندى كەمەسىمەن اتلانت مۇحيتىن كەسىپ وتەدى.
