ەلىمىزدە انتيبۋللينگتىك باعدارلاما ىسكە قوسىلادى

باعدارلاما ورتا ءبىلىم بەرۋ ۇيىمدارىندا ءبىلىم الۋشىلار اراسىندا زورلىق-زومبىلىقتىڭ الدىن الۋعا باعىتتالعان. ونىڭ تاجىريبەلىك اپروباتسياسىنا ەلىمىزدىڭ 9 وڭىرىنەن 50 مەكتەپ قاتىسىپ جاتىر.
⠀
باعدارلامانى ىسكە اسىرۋعا 5500-دەن استام پەداگوگ پەن 70 مىڭ وقۋشى تارتىلدى.
⠀
باعدارلامانى ىسكە اسىرۋ جوسپارىنا سايكەس پيلوتتىق ۇيىمداردا اكىمشىلىك قىزمەتكەرلەر مەن پەداگوگتەر وقىتىلىپ, مەكتەپتەردەگى پسيحولوگيالىق احۋالعا دياگنوستيكا جۇرگىزىلدى جانە بۋللينگكە قارسى كوماندالار قۇرىلدى.

«باعدارلاما اياسىندا بۋللينگتىڭ الدىن الۋعا باعىتتالعان كوپتەگەن ءىس-شارا وتكىزىلدى: تەحنيكالىق پەرسونالدى وقىتۋ, پەداگوگتەر ءۇشىن سەمينارلار مەن ترەنينگتەر, اتا-انالارمەن كەزدەسۋلەر. ەڭ اۋقىمدى ءىس-شارالار 6152 مەكتەپ پەن 2,1 ميلليون وقۋشىنى قامتىعان «دوسبولLIKE – دوستىق قولىن سوز» رەسپۋبليكالىق اكتسياسى, سونداي-اق رەسپۋبليكا كولەمىندە 750 مىڭ وقۋشى قاتىسقان «مەنىڭ مەكتەبىم بۋللينگكە قارسى» رەسپۋبليكالىق فلەشموبى بولدى.
⠀
سونداي-اق وسى باستامامەن وقۋشىلار اراسىندا ءوزارا تۇسىنىستىك پەن قولداۋ مادەنيەتىن قالىپتاستىرۋعا باعىتتالعان 16 مىڭ ءىس-شارا وتكىزىلدى. باعدارلامانىڭ ءىس-شارالارى تاجىريبە جۇزىندە بالالار مەن پەداگوگتەردىڭ بۋللينگتىڭ الدىن الۋدىڭ ماڭىزدىلىعى تۋرالى حاباردارلىعىن ارتتىرۋعا, ولاردىڭ الەۋمەتتىك داعدىلارىن دامىتۋعا كومەكتەسەدى»,  دەيدى «وركەن» بااۇعپي» كەاق پرەزيدەنتىنىڭ م.ا. اتقارۋشى ەلەنا ساكەنوۆا.

پەداگوگتەر مەن اتا-انالارعا ارنالعان سەمينارلار مەن شەبەرلىك سىنىپتارى, بالالاردىڭ وزدەرى ىسكە اسىراتىن الەۋمەتتىك جوبالار ولاردىڭ ءبىلىم بەرۋ ورتاسىنداعى بۋللينگتىڭ الدىن الۋ پروتسەسىنە قاتىسۋىن ارتتىرىپ قانا قويماي, ءبىلىم بەرۋ ۇيىمدارىنداعى الەۋمەتتىك-پسيحولوگيالىق احۋالدى ايتارلىقتاي جاقسارتادى.
⠀
ايتا كەتۋ كەرەك, 2025 جىلى «وركەن» بااۇعپي باعدارلامانى جۇزەگە اسىرۋ اۋقىمىن كەڭەيتىپ, بۋللينگ مونيتورينگى مەن دياگنوستيكاسىنىڭ جاڭا تاسىلدەرىن ەنگىزۋدى, پەداگوگتەر مەن مەكتەپ پسيحولوگتەرىنىڭ بىلىكتىلىگىن ارتتىرۋ جۇمىستارىن جالعاستىرۋدى جوسپارلاپ وتىر.