كونفەرەنتسيا اياسىندا قحا-نىڭ قوعامدىق قۇرىلىمدارىن, اقساقالدار جانە انالار كەڭەسىن, ەتنومەدياتسيانى دامىتۋدىڭ نەگىزگى اسپەكتىلەرى, سونداي-اق جالپىۇلتتىق قۇندىلىقتاردى نىعايتۋعا باعىتتالعان جاستار باستامالارى تالقىلاندى. قحا توراعاسىنىڭ ورىنباسارى مارات ءازىلحانوۆ جانە اقتوبە وبلىسىنىڭ اكىمى اسحات شاحاروۆ قازاقستان حالقى اسسامبلەياسى 30 جىلدىعىنىڭ ماڭىزدىلىعىن اتاپ ءوتىپ, اتاۋلى داتاعا ورايلاستىرىلعان ءىس-شارالاردى ساپالى وتكىزۋدىڭ, اسىرەسە XXXIV سەسسياسى مەن قحا وڭىرلىك سەسسيالارىنا دايىندىقتىڭ ماڭىزدىلىعىن اتاپ ءوتتى.
كونفەرەنتسيا بارىسىندا قحا عىلىمي-ساراپتامالىق كەڭەسىنىڭ توراعاسى, قر مام قولدانبالى ەتنوساياسي زەرتتەۋلەر ينستيتۋتى ديرەكتورىنىڭ ورىنباسارى ايگۇل سادۋاقاسوۆا اسسامبلەيا قىزمەتىنىڭ عىلىمي-ادىستەمەلىك بازاسى تۋرالى ايتتى.
سونىمەن قاتار ەتنومەدياتسيا كەڭەسىنىڭ توراعا ورىنباسارى, «پاراسات» مەدياتسيا جانە قۇقىق ورتالىعىنىڭ باسشىسى گۇلمايدان ۋروزباەۆا «ەتنوسارالىق ەرەكشەلىكتەر جانە مەدياتسيا» مامانداندىرىلعان كۋرسىن تانىستىردى.
2025 جىلعى 19-21 اقپان ارالىعىندا اقتوبە قالاسىندا ەتنومەدياتسيا سالاسىنداعى ءبىلىم مەن داعدىلاردى جەتىلدىرۋگە باعىتتالعان سەمينار-ترەنينگ جوسپارلانعان.
شارالار اياسىندا اقتوبە وبلىستىق اسسامبلەيا جاستارى وكىلدىگىنىڭ جاستارعا ارنالعان كوۆوركينگ ورتالىعى اشىلدى. كونفەرەنتسياعا قاتىسۋشىلار وڭىردەگى قحا جاستار قاناتىنىڭ قىزمەتىمەن تانىستى.
جالپى, قازاقستان حالقى اسسامبلەياسىنىڭ اقتوبە وبلىسىنداعى ءىس-شارالارى جالپىۇلتتىق بىرلىك پەن ەتنوسارالىق كەلىسىم قۇندىلىقتارىن ىلگەرىلەتۋدەگى ماڭىزدى قادام بولىپ وتىر.
