استانادا 6 جاڭا ءوندىرىس اشىلادى

كەشە پرەمەر-مي­نيس­تردىڭ ورىنباسارى بەردىبەك سا­­پار­باەۆتىڭ قاتىسۋىمەن استا­نا قالاسىندا مەملە­كەت­تىك ورگانداردىڭ, ۇلت­تىق كومپا­نيا­لاردىڭ جانە ەلور­داداعى ءىرى ءون­دىرىس ورىندارى­نىڭ باسشى­لارى­نىڭ قاتىسۋىمەن جەرگىلىكتى مازمۇندى دامىتۋ جانە بيزنەستىڭ الەۋمەتتىك جاۋاپكەرشىلىگىن ارتتىرۋ ماسەلەلەرىنە ارنالعان جيىن بولىپ ءوتتى. استانا قالاسىنىڭ ين­دۋس­تريالىق پاركىندەگى «لوكوموتيۆ قۇ­راستىرۋ زاۋىتى» اق كاسىپ­ور­نىندا وتكەن بۇل باسقوسۋدا اس­تانا قالاسى اكىمدىگى مەن ۇلت­تىق كومپانيالار اراسىندا ءوزارا ىقپالداستىق پەن جەرگىلىكتى ماز­مۇنداعى ونىمدەردى شىعارۋ كولەمىن ارتتىرۋ ماسەلەلەرى جانە قالا اكىمدىگى, ەلوردا كاسىپ­ورىن­دارى مەن كاسىپوداق اراسىندا ءوندىرىس پروتسەستەرىن تۇراقتاندىرۋ, جۇمىسشىلاردىڭ ەڭبەك قۇقىقتارى مەن كەپىلدىكتەرىن قامتاماسىز ەتۋ, جۇمىستان بوساتىلعان جۇمىس­شى­لاردى الەۋمەتتىك قورعاۋ ماسە­لەلەرى بويىنشا ۇشجاقتى مەمو­راندۋمدارعا قول قويىلدى. باسقوسۋ بارىسىندا بەردىبەك ساپارباەۆ جينالعانداردىڭ نازارىن بۇگىنگى تاڭدا دۇنيەجۇزىن الاڭداتىپ وتىرعان الەمدەگى ساياسي, ەكونوميكالىق كۇردەلى احۋال­مەن تانىستىرىپ, الداعى ۋاقىت­تا الەمدىك داعدارىس سالقى­نىن قازاقستاندىقتار قاتتى سەزىن­بەي­تىندەي كەشەندى شارالاردى ۇيىم­داستىرىپ, حالىقتىڭ تۇرمىس جاعدايىن جاقسارتۋ جولىنداعى الەۋ­مەتتىك مىندەتتەمەلەر مەن كە­پىل­دىكتەردى ءسوزسىز ورىنداۋ قاجەت­تىگىنە اۋداردى. ول ءۇشىن ەلىمىز­دە بارلىق مۇمكىندىكتەر ويلاس­تى­­رىلعان. ەلباسىنىڭ «نۇر­لى جول – بولاشاققا باستار جول» جول­داۋىنداعى جەتى باعىت­تى باس­­شىلىققا الا وتىرىپ, ەكونو­ميكاعا سالقىنىن تيگىزىپ وتىرعان قيىن­دىقتارعا توتەپ بەرۋدىڭ وڭتاي­لى جولدارىن ءىس جۇزىنە اسىرۋ قاجەت. كەزدەسۋدە ءسوز العان قالا اكىمى ادىلبەك جاقسىبەكوۆ ەلباسىنىڭ تاپسىرماسىنا سايكەس, اكىمدىكتەر مەن ءىرى كاسىپورىندار اراسىندا ءوندىرىس ۇدەرىستەرىن تۇراقتاندىرۋ جانە جۇمىسشىلاردىڭ ەڭبەك قۇقىعى مەن كەپىلدىكتەرىن قام­تاماسىز ەتۋ ماسەلەلەرى بويىنشا كەڭ اۋقىمدى شارالار وتكىزىلىپ جاتقانىن ايتتى. بۇل باعىتتا مەملەكەت تاراپىنان اۋقىمدى شارالار جۇزەگە اسىرىلۋدا. ءبىر عانا «بيزنەستىڭ جول كارتاسى-2020» باعدارلاماسى ايا­­سىندا استانادا 8 مىڭعا جۋىق جۇ­مىس ورنىن ساقتاپ, قو­سىمشا 4 مىڭنان استام ادامدى جۇمىسپەن قامتۋعا قول جەتكىزىلدى. – 2015 جىلى ەلوردادا جاڭا 6 ءوندىرىس ىسكە قوسىلىپ, ولاردا قوسىمشا 1600 جۇمىس ورىنى قۇ­رىلادى دەپ جوسپارلانۋدا. وسى ورايدا ءبىزدىڭ باستى ماقساتىمىز – وڭ ناتيجە كورسەتىپ وتىرعان قالا ەكونوميكاسىنىڭ قارقىندى ءوسىمىن ساقتاپ قالۋ, – دەدى قالا اكىمى. كەڭەس بارىسىندا استاناداعى ءىرى كاسىپورىندار شىعاراتىن وتاندىق تاۋارلاردى ارتتىرىپ, جەر­گىلىكتى مازمۇنداعى ءوندىرىس ءونىم­دەرىن كوبەيتۋ ماقساتىندا جال­پى سوماسى 105 ملرد. تەڭگەنى قۇراي­تىن 10 مەموراندۋمعا قول قويىلدى. ولاردىڭ قاتارىندا «قتج» ۇك» اق, «استانا ەكسپو-2017» ۇك» اق, «قاز­مۇ­ناي­گاز» ۇك» اق, «قا­زاق­تە­لە­­كوم» اق, «سامۇ­رىقەنەرگو» اق, «ترانستەلەكوم» اق, «قاز­ترانس­ويل» اق, «KEGOK» اق, «قاز­ات­وم­پروم» اق سياقتى ءىرى كاسىپورىندار بار. جۇمىس ورىندارىن ساق­تاۋ جانە ءوندىرىس ۇدەرىسىن تۇراق­تان­دىرۋ ماسەلەلەرى بويىنشا كۇن تارتىبىنە ۇسىنىلعان ۇشجاقتى 7 مەموراندۋمعا قول قويىلدى. بۇل مەموراندۋمعا قول قويعان استا­نالىق كاسىپورىندار قاتارىندا «تسەسنا استىق» كونتسەرنى» جشس, «استانا سۋ ارناسى» مكك, «اس­تانا – زەلەنستروي» اق, «لوكو­مو­تيۆ قۇراستىرۋ زاۋىتى» اق, «اس­تانا تا­زالىق» جشس, «قۇلاگەر» قۇ­رى­­لىس كورپوراتسياسى» جشس, «بازيس» قۇرىلىس كورپوراتسياسى» جشس بار. ەلوردا اكىمى ادىلبەك جاقسى­بەكوۆ بارلىق تاراپتار مەمو­راندۋم تالاپتارىن ۇستاناتىن­دارىنا جانە جۇمىس بەرۋشىلەر مەن جۇمىسكەرلەردىڭ ەڭبەك قۇقىق­تارىن تولىق كولەمدە ساقتاۋدى قامتاماسىز ەتەتىندەرىنە, سونىمەن قاتار, ەلىمىزدىڭ باس قالاسى ەكونوميكاسىنىڭ الداعى ۋاقىتتا دا دامي بەرەتىنىنە سەنىم ءبىلدىردى. جىلقىباي جاعىپار ۇلى, «ەگەمەن قازاقستان».