كودەكس جوباسى تانىستىرىلدى

ماجىلىستە ەكونوميكالىق رەفورما جانە وڭىرلىك دامۋ كوميتەتىنىڭ ۇيىمداستىرۋىمەن كاسىپكەرلىك كودەكس جوباسى ىلەسپە تۇزەتۋلەرىمەن تانىستىرىلدى. ونىڭ جۇمىسىنا ءما­جىلىس توراعاسىنىڭ ورىنباسارى داريعا نازارباەۆا قاتىسىپ, باسقوسۋدى اتالعان كوميتەت توراعاسى سەيىتسۇلتان ايىمبەتوۆ جۇرگىزدى, دەپ حابارلادى وسى پالاتانىڭ ءباسپاسوز قىزمەتى. پارلامەنتتىڭ بەسىنشى شا­قى­رى­لىمى ءۇشىنشى سەس­سياسىنىڭ 2013 جىلعى 2 قىر­كۇيەكتەگى اشىلۋىندا مەم­لەكەت باسشىسى كاسىپكەرلىك كودەكس جوباسىندا قازاقستاندىق كا­سىپ­كەرلەر قىزمەتىنىڭ نەگىزگى قاعي­داتتارىن جانە ولاردىڭ مەم­لە­كەتپەن ءوزارا ءىس-قيمىلىن بەكى­تۋدى تاپسىرعان بولاتىن. سونىمەن بىرگە, پرە­­زي­دەنتتىڭ 2014 جىلعى 27 اق­پانداعى «قازاق­ستان رەس­پۋبليكاسىندا كاسىپكەرلىك قىزمەت ءۇشىن جاعدايلاردى جاق­سار­تۋ جونىندەگى تۇبەگەيلى شارالار تۋرالى» جارلىعىندا ۇكى­مەتكە كا­سىپكەرلىك كودەكستە كاسىپكەرلىك قىز­مەتتى مەم­لەكەت­تىك رەتتەۋ تۋرالى زاڭ­نامالىق اكتىلەردىڭ نورما­لارىن توپتاس­تىرۋ تاپسىرىلعان ەدى. كاسىپكەرلىك كودەكس جوباسى ءجا­نە ىلەسپە زاڭ جوباسى قازاقستان رەس­پۋبليكاسى ۇكىمەتىنىڭ 2014 جىل­عا ارنالعان زاڭ جوبالاۋ جۇ­مىس­تارى جوسپارىنىڭ 39-1, 39-2-تار­ماقتارىن ورىنداۋ ءۇشىن ازىرلەنگەن. جەكە كاسىپكەرلىكتى مەملەكەتتىك قول­داۋدىڭ نەگىزگى باعىتتارى: شاعىن كاسىپكەرلىك; اگرو­ونەر­كاسىپتىك كەشەن جانە اۋىلدىق مە­كەن­دەگى كاسىپكەرلىك قىزمەتتىڭ اۋىل­شا­رۋاشىلىق ەمەس تۇرلەرى; يندۋس­تريالىق-يننو­ۆاتسيالىق قىز­مەت; ار­نايى ەكونوميكالىق اي­ماق­تار; ينۆەس­تيتسيالىق قىزمەت; وتان­دىق تاۋار ءون­دىرۋشىلەردىڭ كاسىپ­كەر­لىگى; كاسىپكەرلىكتى مەم­لەكەتتىك رەت­تەۋدىڭ نىساندارى مەن قۇرالدارى بولىپ تابىلادى. كودەكسپەن ادىلەت ءمينيسترىنىڭ ورىنباسارى زاۋرەش بايمولدينا تانىستىردى. قۇجات جوباسىن ازىرلەۋدىڭ ماقساتى قازاقستان رەسپۋبليكاسىنىڭ كاسىپكەرلىك سۋبەك­تىلەرى مەن مەملەكەتتىڭ ءوزارا ءىس-قيمىلى, ونىڭ ىشىندە مەم­لەكەتتىك رەتتەۋ جانە كاسىپ­كەرلىكتى قولداۋ سالاسىنداعى زاڭنامانى جەتىلدىرۋ مەن دامىتۋ, كاسىپكەرلىك قاتىناستاردى قۇقىقتىق رەتتەۋدەگى ولقىلىقتار مەن قايشىلىقتاردى جويۋ, سونداي-اق, قازاقستان رەسپۋبليكاسىندا كاسىپكەرلىك ەركىندىگىن قامتاماسىز ەتەتىن قۇقىقتىق, ەكونوميكالىق جانە الەۋمەتتىك شارتتار مەن كەپىلدىكتەردى جۇيەلەۋ بولىپ تابىلادى. جالپى كودەكس جوباسى شەڭبەرىندە قازاقستان رەسپۋبليكاسىنىڭ 11 زاڭى («جەكە كاسiپكەرلiك تۋرالى», «شارۋا نەمەسە فەرمەر قوجالىعى تۋرالى», «تاۋارلار يمپورتى جاعدايىندا ىشكى رىنوكتى قورعاۋ شارالارى تۋرالى», «دەمپينگكە قارسى شارالار تۋرالى», «سۋبسيديالار جانە وتەم شارالارى تۋرالى», «ينۆەستيتسيالار تۋرالى», «تەحنيكالىق رەتتەۋ تۋرالى», «سايكەستىكتى باعالاۋ سالاسىنداعى اككرەديتتەۋ تۋرالى», «باسەكەلەستىك تۋرالى», «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى», «يندۋستريالىق-يننوۆاتسيالىق قىزمەتتى مەملەكەتتىك قولداۋ تۋرالى»), سونداي-اق, قازاقستان رەسپۋبليكاسىنىڭ 1 زاڭى («كونتسەسسيالار تۋرالى») ءىشىنارا شوعىرلاندىرىلدى. زاڭ جوباسى بويىنشا دەپۋتاتتار: س.ايىمبەتوۆ, س.رومانوۆسكايا, ا.سو­لو­ۆەۆا, ز.باليەۆا, گ.ششەگەلسكي, و.وك­سىكباەۆ, ا.بەكەنوۆ, س.قاناەۆ, ا.تۇراتەۆ كودەكس جوباسىن جاساۋ­شى­لارعا سۇراق قويىپ, بەلسەنە تالقىلادى. ءماجىلىس توراعاسىنىڭ ورىنباسارى د.نازارباەۆا ادىلەت مينيسترلىگى ۇسىنعان كاسىپكەرلىك كودەكس جوباسى جايىندا ءوز پىكىرىن ءبىلدىردى. زاڭ جوباسى ەندى دەپۋتات ازات پەرۋاشەۆ جەتەكشىلىك ەتەتىن جۇمىس توبىندا تالقىلانىپ, ءماجىلىس دە­پۋ­تات­تارىنىڭ ۇسىنىستارى مەن پىكىرلەرى قوسىلاتىن بولادى.