حالىقارالىق مارتەبەگە ساي قىزمەت

كەشە پرەزيدەنت جانىنداعى ورتالىق كومممۋنيكاتسيالار قىزمەتىندە «ۇلتتىق عىلىمي كارديوحيرۋرگيا ورتالىعى» اق باسقارما توراعاسى يۋري پيانىڭ قاتىسۋىمەن بريفينگ ءوتتى. «وتكەن جىلدىڭ قاراشاسىندا ءبىزدىڭ ورتالىق بىرىككەن حالىقارالىق كوميسسيانىڭ (Joint Commission International) مەديتسينالىق ۇيىمدار ءۇشىن «التىن ستاندارت» بولىپ ەسەپتەلەتىن رەسمي تۇجىرىمداماسىن الدى. بۇل كلينيكانىڭ قاۋىپسىزدىك جانە مەديتسينالىق كومەك ساپاسى بويىنشا ەڭ ۇزدىك حالىقارالىق ستاندارتتارعا ساي كەلەتىنىن بىلدىرەدى. اۋديت JCI ستاندارتتارىنىڭ سوڭعى رەت جاڭارتىلۋى بويىنشا وتكىزىلدى» – دەدى يۋ.پيا. ينسپەكتورلار قىزمەتكەرلەردىڭ مەديتسينالىق كومەكتىڭ ساپاسىن قامتاماسىز ەتۋىنە, كاسىبي دەڭگەيىنە, كلينيكاداعى ەتيكالىق ستاندارتتارعا, قاۋىپ­سىزدىك تەحنيكاسىنا شارۋاشىلىق باسقارۋعا ەرەكشە ءمان بەرگەن. سونىمەن بۇل ورتالىق ەلىمىزدەگى  حالىقارالىق دەڭگەيدەگى كلينيكا مارتەبەسىن العان ءبىرىنشى مەديتسينالىق مەكەمە بولىپ وتىر. بريفينگ بارىسىندا ورتالىقتىڭ باسقارما توراعاسىنا جۋرناليستەر تاراپىنان بىرقاتار سۇراقتار قويىلدى. ونىڭ ىشىندە ترانسپلانتاتسيا ماسەلەسىنە ەرەكشە نازار اۋدارىلدى. يۋري پيانىڭ ايتۋىنشا, قازىرگى كەزدە ورتالىقتا جۇرەك ترانسپلانتاتسياسىنا 100 ادام كەزەكتە تۇر. ايتسە دە بۇل وپەراتسياعا دا بالاما بار. ول – جاساندى جۇرەك يمپلانتاتسياسى. «جالپى العاندا, ەلiمiزدە جىلىنا 150-200 ادام جۇرەك ترانسپلانتاتسياسى وپەراتسياسىن قاجەت ەتەدi. ال, جۇرەك يمپلانتاتسياسى بويىنشا وتكىزىلەتىن وپەراتسيالار وتە قىمبات تۇرادى. ورتاشا العاندا ءبىر وپەراتسياعا 20 مىڭ دوللار جۇمسالادى.  بۇل شىعىنداردى مەملەكەت وتەيدى» – دەدى ول. يۋ.پيا ترانسپلانتاتسيانىڭ وزەگى – دونور تاپشىلىعى ماسەلەسىن دە اينالىپ وتپەدى. ونىڭ ويىنشا, بۇل تەك مەديتسينالىق ەمەس, الەۋمەتتىك ماسەلە. «بiزدiڭ تاراپىمىزدان جاسالىپ جاتقان جۇمىسقا توقتالساق, ترانسپلانتاتسيا جاساي الاتىن مامانداردى دايارلاپ جاتىرمىز, مۇنداي وپەراتسيالار جاسالىپ تا جاتىر. بiراق, بiزدە دونور تاپشىلىعى ماسەلەسi وزەكتi, قوعام بۇعان ءالi دە دايىن ەمەس. بالالار ترانسپلانتولوگياسىندا دونور تابۋ تiپتەن قيىن. بiزدە عانا ەمەس, بۇل الەم بويىنشا ۇلكەن پروبلەما. دەگەنمەن, الداعى جىلدارى ورتاشا حالىقارالىق ستاندارتتارعا قول جەتكiزەمiز دەگەن ويدامىن», – دەيدi ول. ۇلتتىق عىلىمي كارديوحيرۋرگيا  ورتالىعى قازىرگە دەيىن ترانسپلانتاتسيا بويىنشا 11 وپەراتسيا جاساپتى. سونىمەن قاتار, ەمدەلۋشىلەردىڭ جۇرەگىنىڭ وڭ جاق قارىنشاسىن  يمپلانتاتسيالاۋ بويىنشا 100-دەن اسا وپەراتسيا وتكىزگەن. ولاردىڭ دەنى ەڭبەككە جارامدى جاستاعى ادامدار, ناقتىلاي كەتسەك, 91 پايىزى ەر ادامدار, ال,  ورتاشا جاسى 50 جاس. ايگۇل سەيىلوۆا, «ەگەمەن قازاقستان».