فوتو: قورعانىس مينيسترلىگىنىڭ ءباسپاسوز قىزمەتى
الماتىدا وتكەن اتالعان اسكەري-پاتريوتتىق ءان بايقاۋىندا قازىلار القاسىن اتى اڭىزعا اينالعان گەنەرال-مايور يۆان پانفيلوۆتىڭ نەمەرەسى, ۇلتتىق اسكەري-پاتريوتتىق ورتالىق باستىعىنىڭ ورىنباسارى – الماتى قالاسى جاۋىنگەرلىك داڭق مۇراجايىنىڭ اسكەري-تاريحي قۇندىلىقتار ءبولىمىنىڭ باستىعى الۋا بايقاداموۆا باسقاردى.
باس جۇلدەنى جەڭىپ العان №27 گيمنازيانىڭ وقۋشىسى يۋليا ماكسقا X-Factor شوۋىنىڭ جاتتىقتىرۋشىلارى بەك ورالبەكوۆ پەن گۇلجيان وسپانوۆانىڭ ۆوكال بويىنشا 10 ساباققا سىيلىق سەرتيفيكاتى, اقشالاي سىياقى, كۋبوك تابىستالدى.
ءبىرىنشى ورىن سول گيمنازيانىڭ ونەرپازى الۋاناي ساپي, ەكىنشى ورىندى №118 مەكتەپ-گيمنازيانىڭ وقۋشىسى تيمۋر كيريلوۆ, ءۇشىنشى ورىن №78 گيمنازيانىڭ وقۋشىسى السۋ الۋحانوۆاعا بۇيىردى. بايقاۋ جۇلدەگەرلەرى «وتان داۋىسى» مۇسىنشەلەرى مەن ۆوكالدى وقىتۋعا سەرتيفيكاتتار الدى.
