فوتولار: ادىلەت مينيسترلىگىنىڭ ءباسپاسوز قىزمەتى
بۇگىن بۇۇ ادام قۇقىقتارى جونىندەگى كەڭەسىنىڭ جۇمىس توبىنىڭ جەنەۆادا ءوتىپ جاتقان 48-ءشى امبەباپ كەزەڭدىك شولۋ (اكش) سەسسياسى شەڭبەرىندە قازاقستان رەسپۋبليكاسى ادام قۇقىقتارى مەن بوستاندىقتارىن قورعاۋ سالاسىنداعى حالىقارالىق مىندەتتەمەلەردىڭ ورىندالۋى تۋرالى ءتورتىنشى ۇلتتىق باياندامانى قورعاۋ راسىمىنەن ءوتتى.
مىندەتتەمەلەردى ىسكە اسىرۋى تۋرالى نەگىزگى قۇجاتتى ادىلەت ءمينيسترى ەرلان سارسەمباەۆ باستاعان دەلەگاتسيا ۇسىندى.
قازاقستان دەلەگاتسياسى قۇرامىنا باس پروكۋراتۋرا, سوت اكىمشىلىگى, ىشكى ىستەر, مادەنيەت جانە اقپارات, سىرتقى ىستەر, ەڭبەك جانە حالىقتى الەۋمەتتىك قورعاۋ, دەنساۋلىق ساقتاۋ جانە وقۋ-اعارتۋ مينيسترلىكتەرى باسشىلارىنىڭ ورىنباسارلارى مەن لاۋازىمدى ادامدارى كىردى.
قازاقستاننىڭ دەلەگاتسياسى ءىس-شاراعا قاتىسۋشىلاردى قر-نىڭ سوڭعى بەس جىلداعى ادام قۇقىقتارى سالاسىنداعى نەگىزگى جەتىستىكتەرىمەن جانە مەملەكەت دامۋىنىڭ باستى باسىمدىقتارىمەن تانىستىردى.
ەرلان سارسەمباەۆ 2019 جىلعى قاراشادا ءۇشىنشى بايانداما ۇسىنىلعان ساتتەن باستاپ, قازاقستان ەلىمىزدى ودان ءارى دەموكراتيالاندىرۋعا باعىتتالعان بىرقاتار ماڭىزدى باستامالاردى ىسكە اسىرۋ ارقىلى ادام قۇقىقتارى سالاسىندا ەلەۋلى تابىستارعا قول جەتكىزگەنىن اتاپ ءوتتى.
سوت ءىسىن جۇرگىزۋدى جەتىلدىرۋ ماقساتىندا اكىمشىلىك ادىلەت ىسكە قوسىلدى. 3 جىل ىشىندە ول تيىمدىلىكتى دالەلدەدى, ءادىل, ءتيىمدى جانە قول جەتىمدى ادىلەتتىلىكتى قامتاماسىز ەتتى. قازىرگى ۋاقىتتا پارلامەنتتە اكىمشىلىك ادىلەت سالاسىن كەڭەيتۋگە باعىتتالعان زاڭ جوبالارى بار. قازىرگى ۋاقىتتا سوتتار ولاردىڭ شەشىمدەرىنە, مەملەكەتتىك ورگاندار مەن لاۋازىمدى ادامداردىڭ ارەكەتتەرى مەن ارەكەتسىزدىگىنە شاعىمدانۋ تۋرالى تالاپتاردىڭ 60%-نا دەيىن قاناعاتتاندىرادى.
كونستيتۋتسيالىق سوتتى قالپىنا كەلتىرۋدەن جانە اكىمشىلىك راسىمدىك-پروتسەستىك كودەكستى قابىلداۋدان باسقا, قازاقستان ازاماتتاردىڭ قۇقىقتارىن قورعاۋ ءۇشىن اكىمشىلىك سوت تورەلىگى ينستيتۋتىن ەنگىزۋدى قوسا العاندا, سوت جۇيەسى سالاسىندا رەفورمالار جۇرگىزدى, سونداي-اق ولاردىڭ اشىقتىعى مەن ەسەپتىلىگىن ارتتىرۋ ماقساتىندا قۇقىق قورعاۋ ورگاندارىنىڭ قىزمەتىن رەفورمالادى.
دەلەگاتسيانىڭ باسشىسىنىڭ سوزىنەن كەيىنگى ينتەراكتيۆتى ديالوگ بارىسىندا بۇۇ-نىڭ مۇشە مەملەكەتتەرى ادام قۇقىقتارىن قورعاۋدىڭ زاڭنامالىق تەتىگى مەن پراكتيكاسىن جەتىلدىرۋ بويىنشا ءتيىستى ۇسىنىمدارىن ۇسىندى.
قازاقستان رەسپۋبليكاسىنىڭ رەسمي دەلەگاتسياسى ۇلتتىق باياندامانى قورعاۋعا قاتىسۋشىلاردىڭ سۇراقتارىنا جاۋاپ بەردى.
شەت مەملەكەتتەردىڭ دەلەگاتسيالارى قر-نىڭ ادام قۇقىقتارىن قورعاۋ سالاسىنداعى زاڭنامالىق, پراكتيكالىق جانە باسقا دا شارالاردى دامىتۋداعى جانە ادام قۇقىقتارىن قورعاۋ سالاسىنداعى نەگىزگى حالىقارالىق قۇجاتتاردىڭ باسشىلىق قاعيداتتارىن ورىنداۋداعى ۇدەمەلى ىلگەرىلەۋىن اتاپ ءوتتى.
