فوتو: تجم
تجم مالىمەتىنشە, بايتەرەك اۋدانىندا 21 توننا حيميالىق زات تاسىمالداپ كەلە جاتقان بەلارۋس رەسپۋبليكاسىنىڭ جۇك كولىگى جولدان شىعىپ, ءبىر جاعىنا قيسايىپ, قۇلاپ كەتكەن. سالدارىنان سۇيىقتىعى بار قۇتىلار اۋدارىلعان, ابىروي بولعاندا, سۇيىقتىق سىرتقا توگىلمەگەن.
«تجم قىزمەتكەرلەرى حيميالىق زاتتىڭ اعىپ كەتۋ قاۋپى مەن حالىق پەن قورشاعان ورتاعا تونەتىن قاۋىپتى تەكسەردى. رادياتسيالىق-حيميالىق قىزمەت ونىڭ اۋاداعى شوعىرلانۋىن ولشەدى. قاتەر تابىلمادى», دەلىنگەن مينيسترلىك حابارلاماسىندا. سونداي-اق جۇك كولىگىنىڭ جۇرگىزۋشىسىنە جۇكتى قاۋىپسىز تيەۋگە جانە جۇكتى ودان ءارى تاسىمالداۋعا كومەك كورسەتىلگەن.
