فوتو: Polisia.kz
ونىڭ ىشىندە زاڭسىز فارماتسەۆتيكالىق قىزمەتتىڭ 46 دەرەگى, دارىلىك زاتتاردىڭ اينالىمى مەن ەرەجەلەردىڭ بۇزىلۋىنىڭ 260 دەرەگى انىقتالدى.
500-دەن استام لاۋازىمدى تۇلعا, ونىڭ ىشىندە 226 مەديتسينا قىزمەتكەرى اكىمشىلىك جاۋاپكەرشىلىككە تارتىلدى.
تۇركىستان وبلىسىندا 48 جاستاعى جۇرگىزۋشى ۇستالدى, ونىڭ كولىگىنەن پوليەتيلەن پاكەتتەرى مەن قوراپتار تابىلدى. تەكسەرۋ كەزىندە ءدارىحانادان جالعان رەتسەپت بويىنشا الىنعان 2500-گە جۋىق «ترامادول» تابلەتكاسى تاركىلەندى. اتالعان پرەپارات وپيويدتى توپتاعى ەسىرتكى زاتتارىنا جاتادى جانە ارنايى تىزىمگە ەنگىزىلگەن.
«ىشكى ىستەر مينيسترلىگى ءدارىحانالار مەن فارماتسەۆتيكالىق كومپانيالاردىڭ باسشىلارىنا جانە قىزمەتكەرلەرىنە مەديتسينادا پايدالانىلاتىن ەسىرتكى جانە پسيحوتروپتىق زاتتاردىڭ اينالىمىن رەتتەيتىن زاڭنامانى قاتاڭ ساقتاۋعا شاقىرادى. بۇل سالاداعى قۇقىق بۇزۋشىلىقتار ءۇشىن قىلمىستىق جاۋاپكەرشىلىك بارىن ەسكە سالامىز», دەدى ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى قۋاندىق ءالجانوۆ.
