فوتو: اشىق دەرەككوز
انىقتالعانداي, كامەلەتكە تولماعان سوتتالۋشىلار ادامدار توبىمەن الدىن الا ءسوز بايلاسۋ ارقىلى, بايزاق اۋدانى قۇمجوتا اۋىلىنداعى مەكتەپتىڭ اجەتحاناسىندا 8-ءشى سىنىپ وقۋشىلارىن جيناپ, باعىنۋ مەن نۇسقاۋلارىن ورىنداۋدى تالاپ ەتىپ, ولاردىڭ كەۋدە تۇسىنان جۇدىرىقپەن ۇرعان. كەۋدەسىنىڭ سول جاق بولىگىنەن العان سوققىلاردىڭ سالدارىنان كامەلەتكە تولماعان بالا وقيعا ورنىندا كوز جۇمعان.
پروكۋرور ايىپتالۋشىلاردىڭ كىناسى ءىس بويىنشا جينالعان جابىرلەنۋشىلەردىڭ, كۋالەردىڭ ايعاقتارىمەن, ساراپتاما قورىتىندىلارىمەن جانە زاتتاي دالەلدەمەلەرمەن دالەلدەنگەن اتاپ ءوتتى.
«سوت ۇكىمىمەن سوتتالۋشىلار كىنالى دەپ تانىلىپ, ل.ن.-عا - 6 جىل 8 ايعا باس بوستاندىعىن ايىرۋ, ل.ل.-عا - 6 جىل 8 ايعا باس بوستاندىعىن ايىرۋ, ت.-عا - 1 جىلعا باس بوستاندىعىن شەكتەۋ جازالارى تاعايىندالدى. مەملەكەت كىرىسىنە سوت ساراپتامالارىنا جۇمسالعان پروتسەستىك شىعىندار, جابىرلەنۋشىلەردىڭ وتەماقى قورىنا ءماجبۇرلى تولەم, سونداي-اق جابىرلەنۋشى تاراپتىڭ پايداسىنا سوتتالعاندار ل.ن.-ءنىڭ زاڭدى وكىلىنەن 6 ملن. تەڭگە, ل.ل.-ءدىڭ زاڭدى وكىلىنەن 5 ملن تەڭگە مورالدىق زيان ءوندىرىلدى», دەلىنگەن حابارلامادا.
ۇكىم زاڭدى كۇشىنە ەنگەن جوق.
