جوبانىڭ باستاپقى قادامى شاتىرسىز جابىندى (وزدىگىنەن كەبەتىن جابىن) جوبالاۋ بويىنشا تەحنيكالىق شەشىمدى تالقىلاۋدان باستالدى. بۇل ءتاسىل عيماراتتاردى پايدالانۋ ءارى قىزمەت ەتۋ مەرزىمىن ۇزارتادى. جارتىلاي جەلدەتىلەتىن, وزدىگىنەن كەبەتىن جاڭا تەحنولوگياعا نەگىزدەلگەن جوبانىڭ باستى ەرەكشەلىگى قۇرىلىس ماتەريالدارىن ءتيىمدى پايدالانۋ, سونىمەن قاتار عيماراتتى توزباۋدان, سۋ وتكىزبەۋدەن ساقتاۋعا ىقپال ەتەدى.
قازاق باس ساۋلەت قۇرىلىس اكادەمياسىنىڭ رەكتورى مارگاريتا يماندوسوۆانىڭ ايتۋىنشا, جاستاردىڭ عىلىم مەن يننوۆاتسياعا قوسىپ جاتقان ۇلەسى قوماقتى. بۇل ۋنيۆەرسيتەت عالىمدارىنىڭ ەلىمىزدەگى قۇرىلىس سالاسىنا جاڭا تەحنولوگيالار مەن شەشىمدەر ازىرلەۋدەگى يگى قادامى. ستۋدەنتتەر مەن جاس عالىمداردىڭ وسىنداي تىڭ جوبالارى وتاندىق قۇرىلىس يندۋسترياسىنا تىڭ سەرپىن بەرەدى.
قازىرگى تاڭدا جاس عالىمدار مەن زەرتتەۋشىلەردىڭ جەتىستىكتەرى اكادەميانىڭ عىلىم جانە يننوۆاتسيالار پرورەكتورى, PhD جانعازى مولدامۇراتوۆتىڭ جەتەكشىلىگىمەن جۇزەگە اسىپ جاتىر.
جالپى قۇرىلىس فاكۋلتەتىنىڭ اسسيستەنت-پروفەسسورى ايدانا قۋانىشبايدىڭ ايتۋىنشا, بۇل شەشىم «Alumen Group» كومپانياسى ءۇشىن عانا ەمەس, ەلىمىزدىڭ بارلىق قۇرىلىس سالاسىنا ءتيىمدى بولماق. جاس عالىمدار قولداناتىن جاڭا ماتەريالدار, ونىڭ ىشىندە بيتۋمدى-پوليمەرلى, ەلاستومەرلى جانە تەرموپلاستيكالىق جابىندار, ارميرلەنگەن ماستيكالار, قۇراما تەمىربەتون پليتالارى عيماراتتاردىڭ قۇرىلىمدىق بەرىكتىگىن قامتاماسىز ەتەدى. يننوۆاتسيالىق شەشىمدەرمەن قوسا دىبىس وتكىزبەيتىن پاتەرارالىق قابىرعالار ماكەتى دە ەرەكشە نازار اۋدارۋعا تۇرادى. بۇل كونسترۋكتسيا ەكى جاعىنان مەتالل جاقتاۋمەن قۇراستىرىلعان. ەكى قاباتتى مەتالل جاقتاۋلارنىڭ ەنى 50 مم مەتەلليارلىق پروفيلدەردەن جاسالعان. ونداعى باعىتتاۋشى پروفيلدەر ءبىر-بىرىنەن 10 مم قاشىقتىقتا ورناتىلعان. ەكى مەتالل جاقتاۋلارىنىڭ شەتتەرىندە ەكى قاباتتى قاپتامالارى بار. اراسىنداعى تىگىستەر كەپتىرىلمەيتىن سيليكون تىعىزداعىشپەن وڭدەلەدى.
ەگەر جاس عالىمداردىڭ قۇرىلىسقا ارناپ جاساعان يننوۆاتسيالىق شەشىمدەرى كوممەرتسيالانىپ, وندىرىسكە ەنەتىن بولسا, وندا قۇرىلىس نارىعى زاماناۋي, ەكولوگيالىق جاڭا ونىممەن تولىعارى ءسوزسىز.
الماتى
