فوتو: استانا قالاسىنىڭ اكىمدىگى
«جىل سايىن قالادا مەكتەپ جاسىنداعى بالالاردىڭ سانى ورتا ەسەپپەن 20 مىڭ ادامعا ارتىپ كەلەدى. ماسەلەنى شەشۋ ءۇشىن جىل باسىنان بەرى 18 مەكتەپ, ونىڭ ىشىندە 11 «جايلى» مەكتەپ پايدالانۋعا بەرىلدى. جالپى, «جايلى مەكتەپ» ۇلتتىق جوباسىن جۇزەگە اسىرۋدىڭ ارقاسىندا ەكى اۋىسىمدا 90 مىڭ وقۋشىعا ارنالعان 24 مەكتەپ سالىنادى. ءبىز الداعى جىلدارعا نەگىز دايىنداپ جاتىرمىز. ماسەلەن, كەلەسى جىلى تاعى 20-عا جۋىق مەكتەپ سالىپ, پايدالانۋعا بەرۋدى جوسپارلاپ وتىرمىز», دەدى جەڭىس قاسىمبەك.
سونىمەن قاتار قالا اكىمى ەلوردادا 2029 جىلعا دەيىن 60 مەملەكەتتىك بالاباقشا سالۋ جوسپارلانىپ وتىرعانىن ايتتى. ءبىرىنشى كەزەڭ اياسىندا 3000 ورىندىق 10 بالاباقشانىڭ قۇرىلىسى باستالعان. سونداي-اق 17 جەكەمەنشىك بالاباقشا سالىنىپ جاتىر.
جەڭىس قاسىمبەكتىڭ ايتۋىنشا, مەملەكەت باسشىسى 2029 جىلعا دەيىن زاماناۋي 15 وقۋشىلار سارايىن سالۋ مىندەتىن قويدى. ونىڭ ەكەۋى جۇمىس ىستەپ تۇر, ءۇش نىساننىڭ قۇرىلىسى جۇرگىزىلىپ جاتىر, قالعاندارى جوبالىق ساتىدا.
