فوتو: ءماجىلىستىڭ ءباسپاسوز قىزمەتى
دەپۋتاتتىڭ ايتۋىنشا اتالعان زاڭ جوباسىنىڭ نەگىزگى ماقساتى:
- اكىمشىلىك راسىمدەردى جەڭىلدەتۋ جانە نارىققا شىعۋعا كەدەرگىلەردى ازايتۋ ارقىلى قۇرىلىس سالۋشىلار ءۇشىن جاعدايدى جاقسارتۋ;
- ۇلەسكەرلەردى قورعاۋدى كۇشەيتۋ جانە قاراجاتتى زاڭسىز تارتۋدىڭ الدىن الۋ;
- ۇلەستىك قاتىسۋ سالاسىندا مەملەكەتتىك رەتتەۋدىڭ اشىق جانە ءتيىمدى جۇيەسىن قۇرۋ.
سونىمەن قاتار, دەپۋتات ۇسىنىلعان وزگەرىستەر تۋرالى ايتىپ ءوتتى. اتاپ ايتقاندا, وزگەرىستەر – قۇرىلىس سالۋشىلار, ۇلەستىك سالىمدارعا قولجەتىمدىلىكتى كەڭەيتۋ, ت. ب قامتيدى.
بايانداماشىنىڭ ايتۋىنشا بۇدان باسقا, جۇمىس توبى بارىسىندا دەپۋتاتتار تۇرعىن ءۇي قۇرىلىسىنا ۇلەستىك قاتىسۋ تۋرالى زاڭنىڭ قولدانۋ شەڭبەرىن كەڭەيتۋ ماقساتىندا جەكە تۇرعىن ءۇي كەشەندەرىن سالۋعا جانە وسى سالاداعى مەملەكەتتىك رەتتەۋدى كۇشەيتۋگە باعىتتالعان بىرقاتار تۇزەتۋلەرگە باستاماشىلىق ەتكەن.
باياندامانىڭ سوڭىندا زاڭ جوباسىن قابىلداۋ مىنالاردى قامتاماسىز ەتەتىنى ايتىلعان:
- ۇلەستىك قۇرىلىس نارىعىنىڭ اشىقتىعىن جانە ينۆەستورلار مەن ازاماتتاردىڭ سەنىمىن ارتتىرۋ;
- نارىققا كىرۋ كەدەرگىلەرىن ازايتۋ ارقىلى ايماقتىق قۇرىلىس سالۋشىلار سانىن كوبەيتۋ;
- ۇلەسكەرلەردى جوسىقسىز قۇرىلىس سالۋشىلاردان قورعاۋعا كەپىلدىك بەرۋ.
«اتالعان زاڭ جوباسى ۇلەستىك قاتىسۋ سالاسىندا تۇراقتى, اشىق جانە ءادىل رەتتەۋ جۇيەسىن قۇرۋعا باعىتتالعان ماڭىزدى قادام. ونى قابىلداۋ سالانى سەنىمدى دامىتۋدىڭ جانە مەملەكەتتىك ينستيتۋتتارعا دەگەن سەنىمدى نىعايتۋدىڭ كەپىلى بولادى», دەپ تۇيىندەدى ءماجىلىس دەپۋتاتى س.مۇساباەۆ.
