قوستاناي.17 ماۋسىم. قوستاناي وبلىسىنىڭ توتەنشە جاعدايلار دەپارتامەنتىندە سۋيتسيدكە قارسى شارالار جونىندە كەڭەيتىلگەن سەمينار-كەڭەس ءوتتى. بۇل تۋرالى egemen.kz ءتىلشىسى حابارلادى.
وندا كۇردەلى تاقىرىپتى تالقىلاۋ ءۇشىن وبلىستىق ىشكى ىستەر دەپارتامەنتىنىڭ گوسپيتال-ەمحاناسى مەن وبلىستىق پسيحياتريالىق اۋرۋحاناسىنىڭ پسيحولوگ دارىگەرلەرى, ءدىن ىستەر جونىندەگى وبلىستىق باسقارما, ءدىني كونفەسسيالار, قالالىق پروكۋراتۋرا وكىلدەرى, قورعانىس ىستەر جونىندەگى دەپارتامەنتتىڭ جانە قۇقىققورعاۋ ورگاندارىنىڭ پسيحولوگتارى شاقىرىلدى.
سەمينار-كەڭەستە توتەنشە جاعدايلار دەپارتامەنتىنىڭ باستىعى, ورتكە قارسى قىزمەت پولكوۆنيگى تلاعات كاكىموۆ: «رەسپۋبليكالىق ىشكى ىستەر مينيسترلىگى بۇل كۇردەلى جاعدايعا اسا ءمان بەرىپ وتىر. ۇجىمداردا مورالدىق-پسيحولوگيالىق جاعدايى زەرتتەلۋى, كەلەڭسىز جاعدايدىڭ الدىن الۋ ءۇشىن ۇزدكسىز جۇمىستار جۇرگىزىلۋى ءتيىس», دەدى.
قوستاناي وبلىستىق پسيحياتريالىق اۋرۋحاناسىنىڭ پسيحولوگى ن. سەمينوۆسكايا وبلىستا جانە جالپى رەسپۋبليكا كولەيىندە ورىن العان سۋيتسيدتىك وقيعالار, ادامداردى سۋيتسيدتتىك شەشىمگە ماجبۇرلەيتىن سەبەپتەر مەن فاكتورلار جونىندە ايتتى. قوستاناي وبلىسىنىڭ ءدىني ىستەر جونىندەگى باسقارمانىڭ باس مامانى ن.ءابىشوۆ ءدىني ەكسترەميزم جانە تەرروريزمگە اسەر ەتەتىن سۋيتسيدتىك ويدىڭ پايدا بولۋى, سودان كەيىن ونى ىستەۋ تاقىرىبىن اشىپ ايتتى. قوستاناي وبلىستىق مارال يشان مەشىتىنىڭ وكىلى - نايب-يمام باقىتجان يكرام جانە ورىس پراۆوسلاۆيالىق شىركەۋىنىڭ وكىلى– پروتويرەي ۆيتالي گلەبا وز ومىرىنە ءوزى بالتا شاپقان جاندارعا ءدىننىڭ قاتىناسىن ءتۇسىندىردى.
مۇنان كەيىن قۇقىق قورعاۋ ورگاندارىنىڭ پسيحولوگ ماماندارى جەكە قۇراممەن تاجىريبە الماستى.
ءنازيرا جارىمبەتوۆا.
دەرەك, سۋرەت: egemen.kz
