استانادا مەملەكەتارالىق ىزدەۋدە بولعان ارمان ابىلتاەۆ ۇستالدى

استانا. 17 ماۋسىم. استانادا اسا اۋىر قىلمىس جاساعانى ءۇشىن كۇدىكتى دەپ تانىلعان جانە مەملەكەتارالىق ىزدەۋدە بولعان ارمان ابىلتاەۆ قولعا ءتۇستى. بۇل تۋرالى استانا قالاسى ىشكى ىستەر دەپارتامەنتىنىڭ ءباسپاسوز قىزمەتى حابارلادى. كۇدىكتى ۇيىمداسقان قىلمىسقا قارسى كۇرەس جۇرگىزۋ قىزمەتكەرلەرى مەن ەلوردالىق ىشكى ىستەر دەپارتامەنتىنىڭ «ارلان» ارنايى بولىمشەسى قىزمەتكەرلەرىنىڭ قاتىسۋىمەن بولعان جەدەل-ىزدەۋ شارالار كەشەنىن وتكىزۋ بارىسىندا ۇستالدى. ارمان ابىلتاەۆ 1980 جىلى تۋعان. ونىڭ قىلمىستىق كودەكستىڭ بىرنەشە بابى بويىنشا ايىپتالىپ جاتقان قايرات جاماليەۆتىڭ زاڭسىز ىستەرىنە قاتىسى بار بولۋى مۇمكىن. كۇدىكتى قىلمىستىق قۋدالاۋدان ءىزىن جاسىرۋ ءۇشىن سىرتقى كەلبەتىن ايتارلىقتاي وزگەرتكەن. بۇگىندە ۇستالعان ازامات استانا قالالىق ىشكى ىستەر دەپارتامەنتىنىڭ ۋاقىتشا ۇستاۋ اباقتىسىنا قامالدى. قازىر سوتقا دەيىنگى تەرگەۋ امالدارى جۇرگىزىلۋدە. ەلامان قوڭىر. دەرەك: استانا قالاسى ىشكى ىستەر دەپارتامەنتى. سۋرەت: newskaz.ru.