اتاقتى Top Gear باعدارلاماسىن كريس ەۆانس جۇرگىزەتىن بولدى

الماتى. 17 ماۋسىم. بي-بي-سي-ءدىڭ الەمدىك كورەرمەندەرى بار اسا تانىمال Top Gear تەلەباعدارلاماسىن بۇدان بىلاي كريس ەۆانس جۇرگىزەتىن بولدى. بۇل تۋرالى ۆۆس حابارلادى. كريس ەۆانس كورپوراتسيامەن 3 جىلدىق كەلىسىم شارتقا وتىردى. وسىعان وراي سۇحبات بەرگەن ەۆانس «Top Gear مەنىڭ ەڭ جاقسى كورەتىن باعدارلامام, سوندىقتان دا مەنىڭ قۋانىشىمدا شەك جوق» دەدى. ال, دجەرەمي كلاركسون تۇسىرگەن سوڭعى باعدارلاما الداعى 28 ماۋسىم كۇنى كورسەتىلەدى. Top Gear تەلباعدارلاماسىنىڭ 22 ماۋسىمى سونىمەن اياقتالادى. دجەرەمي كلاركسون وسىلايشا 100 مىڭ دوللارلىق جىلدىق تابىسىنان ايىرىلدى. ول ناۋرىز ايىنداعى ءتۇسىرىلىم كەزىندە باعدارلاما پروديۋسەرىمەن سوزگە كەلىپ, شيەلەنىستىڭ اقىر-اياعى قوناق ۇيدەگى «قول كوتەرۋگە» دەيىن ۇلاسقان. بي-بي-سي – ميلليونداعان كورەرمەندەرىنىڭ قيماستىق بىلدىرگەنىنە, دجەرەمي كلاركسوننىڭ ءوزىنىڭ كەشىرىم سۇراعانىنا قاراماستان, «قىزبا مىنەزدى» جۇرگىزۋشىنى ءبارى-ءبىر قىزمەتىنەن بوساتقان ەدى. تالعات ءسۇيىنباي. دەرەك: ۆۆس. سۋرەت: topgear.com.