فوتو: اشىق دەرەككوز
ءانشى جاڭا بەينەبايانىنىڭ ءۇزىندىسىن Instagram پاراقشاسىندا, ال تولىق نۇسقاسىن YouTube ارناسىندا جاريالادى.
«دوستار, ەرەكشە ىقىلاسپەن جانە زور قۋانىشپەن بۇگىن مەن سىزدەرگە ساعات 10:00 دە YouTube-تاعى پاراقشامدا «كيەلى مەكەن» انىنە بەينەباياندى ۇسىنامىن. جاڭا مۋزىكالىق جۇمىس مەنىڭ وتانىمنىڭ تاڭعاجايىپ كوركەمدىگىنە ارنالعان! بەينەباياندا ءبىز قازاقستاننىڭ بىرەگەي تابيعي لاندشافتتارى مەن باي مادەنيەتىن پاش ەتۋگە تىرىستىق. مەن قازاقستان الەمنىڭ تۇكپىر-تۇكپىرىندەگى تۋريستەردىڭ تارتىلاتىن ورتالىعىنا اينالاتىنىنا سەنىمدىمىن. كليپ جايلى ءوز اسەرلەرىڭىزبەن بولىسىڭىزدەر جانە اينالامىزدا اسەمدىك كوپ ەكەنىن ۇمىتپاڭىزدار!», دەپ جازدى ديماش قۇدايبەرگەن.
جاڭا بەينەباياندا قازاقستاننىڭ كورىكتى جەرلەرىنە ەرەكشە نازار اۋدارىلعان. كورەرمەندەر كورنەكتى تۋريستىك ورىندارعا ۆيزۋالدى ساياحات جاساي الادى. ونىڭ ىشىندە شارىن شاتقالى, كولساي كولدەرى, اقمەشىت ۇڭگىرى, ازىرەت-سۇلتان مۇراجاي-قورىعى, بوزجىرا شاتقالى, تورىش القابى ءتارىزدى بىرەگەي ورىندار بار. ۆيدەودا بۋراباي, كاتونقاراعاي, التىن-ەمەل, جوڭعار-الاتاۋ ۇلتتىق پاركتەرىنىڭ كادرلارى دا ۇسىنىلعان.
ايتا كەتەيىك, ءتۇسىرىلىم الماتى, تۇركىستان, ماڭعىستاۋ وبلىستارى تۋريزم باسقارمالارىنىڭ, سونداي-اق «Visit Alatau» جانە «Open Turkistan» تۋريستىك اقپاراتتىق ورتالىقتارىنىڭ, «Capتاس» ورتالىعىنىڭ, «Air Astana» جانە «FlyArystan» اۆياكومپانيالارىنىڭ, «Karavansaray Turkistan» كەشەنىنىڭ, «Visit Aktay» جانە ء«ىntegra Construction KZ» كومپانيالارىنىڭ قولداۋىمەن ءوتتى.ء«بىز ديماشقا ەلىمىزدى شەتەلدە دارىپتەۋگە قوسىپ جۇرگەن باعا جەتپەس ۇلەسى ءۇشىن العىس بىلدىرەمىز. ول ءتۋريزمنىڭ العاشقى ەلشىسى بولىپ, ءاربىر قولايلى جاعدايدا شەتەلدىك اۋديتوريانى قازاقستانعا كەلۋگە شاقىرادى. ميلليونداعان تىڭداۋشىلار ديماشتىڭ شىعارماشىلىعى ارقىلى ءبىزدىڭ ەلمەن كەڭىنەن تانىسادى. جاڭا بەينەبايان - قازاقستاننىڭ ادەمى تابيعاتى مەن باي مادەنيەتىنىڭ الۋان تۇرلىلىگىن كورسەتۋگە دەگەن ورتاق ۇمتىلىسىمىزدىڭ ناتيجەسى. ءبىز الەمنىڭ تۇكپىر-تۇكپىرىندەگى ديماشتىڭ جانكۇيەرلەرى بىرەگەي لوكاتسيالاردان شابىت الىپ, ەلىمىزدى وزدەرى ءۇشىن اشاتىنىنا سەنىمدىمىز», دەدى «Kazakh Tourism» ۇك» اق باسقارما توراعاسى قايرات سادۋاقاسوۆ.
