تۇركيانىڭ بۇرىنعى پرەزيدەنتى سۇلەيمەن دەميرەل دۇنيەدەن ءوتتى

الماتى. 17 ماۋسىم. 92-گە قاراعان  جاسىندا تۇركيانىڭ بۇرىنعى پرەزيدەنتى سۇلەيمەن دەميرەل قايتىس بولدى. ەكس-پرەزيدەنت 13 ماۋسىم كۇنى ءحالىنىڭ ناشارلاۋىنا بايلانىستى انكاراداعى اۋرۋحانالاردىڭ بىرىنە تۇسكەن ەدى. بۇل تۋرالى تۇرىكتىڭ "Milliyet" گازەتىنىڭ دەرەگىنە سۇيەنىپ, trend.az حابارلادى. سۇلەيمەن دەميرەل 1949 جىلى ستامۋل تەحنيكالىق ۋنيۆەرسيتەتىنىڭ ينجەنەرلىك-قۇرىلىس فاكۋلتەتىن بىتىرگەن.  سودان سوڭ 6 جىل اقش-تا ەڭبەك تاجىريبەسىنەن ءوتتى. ول تۇركياداعى  ادىلەت پارتياسىنىڭ نەگىزىن قالاۋشىلاردىڭ ءبىرى. 1980 جىلعا دەيىن پارتيا باسشىلىعىندا ورىنباسار جانە توراعا قىزمەتتەرىن اتقاردى. 1975-80 جىلدارى اراسىنا ءۇزىلىس سالىپ, پرەمەر -ءمينيستردىڭ ورىنباسارى, 1980 جىلعى ازاماتتىق قاقتىعىستان كەيىن بولعان اسكەري توڭكەرىستەن سوڭ پرەمەر-ءمينيستردىڭ قىزمەتىن قوسا  اتقاردى. 1993 جىلى تۇرعىت ءوزال قايتىس بولعان سوڭ, تۇركيا پرەزيدەنتىنە سايلاندى. ول قىزمەتتى 2000 جىلعا دەيىن اتقاردى. تالعات ءسۇيىنباي. دەرەك, سۋرەت: trend.az.