سەمەيدەگى داۋىل

سەمەيدە سۇراپىل داۋىل بولدى. 14 ماۋسىم كۇنى ساعات 18.30-دا ورىن العان تابيعاتتىڭ توسىن وقيعاسى شاھار تۇرعىندارىن ءبىراز ابىگەرگە سالدى. سەكۋندىنا 20-35 مەتر جىلدامدىقپەن سوققان ادۋىن جەل بىرقاتار نىسانداردىڭ شاتىرىن ج ۇلىپ كەتىپ, كوشە جيەگىندەگى تال-تەرەكتەردى قۇلاتتى. قالانىڭ بىرقاتار بولىگىندە جارىق ءوشتى. ستانسالارداعى ەلەكتر قۋاتىنىڭ بولماۋىنان 40 مىڭعا جۋىق سەمەيلىك تۇرعىن سۋسىز قال­دى. توتەن­شە وقيعادان سوڭ سەمەي قا­لا­سىنىڭ جەدەل جاردەم قىز­مەتى­نە 10 زارداپ شەككەن تۇر­عىن حابار­­لاسىپ, ونىڭ 8-ءى ءتۇرلى دەنە جارا­قاتتارىمەن اۋرۋحاناعا جاتقى­زىلدى. ولاردىڭ اراسىندا ۇستىنە سىنعان اعاش قۇلاعان ايەل جانە جەل ج ۇلىپ كەتكەن شاتىردىڭ استىن­دا قالىپ, جاراقاتتانعان ەكى ەر ادام بار. داۋىلدان قالاداعى 11 مەكتەپ, 12 كوپقاباتتى ءۇي, 3 الەۋ­مەت­تىك-مادەني نىسان جانە 30 جەكە تۇر­عىن ءۇي مەن جوعارى كەرنەۋ­لى ەلەكتر جەلىسى, 28 ەلەكتر قۋا­تىن بەرۋ جەلى­لەرى, بيلبوردتار, 28 اۆتو­كو­لىك زارداپ شەكتى. سونداي-اق, 10 كوشە مەن 4 جول وتكەلىن سۋ باستى. ەڭ باس­تىسى, ادام شىعىنى ورىن العان جوق. قازىرگى كەزدە وبلىس اكىمى­نىڭ ورىنباسارى ديميتري گاريكوۆتىڭ توراعالىعىمەن توتەنشە جاعداي زارداپتارىن جويۋ جونىندەگى كوميسسيا جۇمىس ىستەۋدە. ءوڭىر باسشىسى دانيال احمەتوۆتىڭ تاپسىرماسى بويىنشا قالادا قالپىنا كەلتىرۋ جۇمىستارى ءتۇنى بويى جۇرگىزىلدى. وبلىستىق توتەنشە جاعدايلار دەپارتامەنتىنىڭ مالىمەتىنە قارا­عاندا, دەرەۋ قولعا الىنعان جۇمىس­تار ناتيجەسىندە ەلەكتر جارى­عىنسىز قالعان 57184 ابونەنتتىڭ باسىم بولىگى ەلەكتر قۋاتىنا قايتا قوسىلدى. اپات سالدارىن جويۋعا جەرگىلىكتى اتقارۋشى ورگاندار مەن جەدەل جۇمىلدىرۋ قۇرىلىمدارى تارتىلدى. اتاپ ايتقاندا, داۋىل زارداپتارىن جويۋ ماقساتىندا 50 تەحنيكا مەن 200-گە جۋىق مامان جۇمىس ىستەۋدە. سونداي-اق, اۆتوكولىك جولدارى قۇلاعان اعاشتاردان تازارتىلىپ, جول قوزعالىسى قالپىنا كەلتىرىلدى. باعدارشامدار ىستەمەي تۇرعان كوشە قيىلىستارىنداعى كولىك قوزعالىسىن رەتتەۋگە جول ساقشىلارى تارتىلدى. دۋمان اناش, «ەگەمەن قازاقستان». سەمەي.