قازاقستان حالقى اسسامبلەياسىنىڭ 20 جىلدىعىنا ارنالعان «قازاقستان جولى: بىرلىك. پاتريوتيزم. رەفورمالار»  حالىقارالىق پارلامەنتتىك كونفەرەنتسياسىنىڭ قورىتىندى قۇجاتى

ءبىز, قازاقستان حالقى اسسامبلەياسىنىڭ 20 جىلدىعىنا ارنالعان حالىقارالىق پارلامەنتتىك كونفەرەنتسياسىنىڭ قاتى­سۋ­شىلارى, «قازاقستان جولى: بىرلىك. پات­ريوتيزم. رەفورمالار» تاقىرىبىن تالقى­لاي كەلە, قازاقستاننىڭ جانە ەلباسى نۇر­سۇلتان نازارباەۆتىڭ پوليەتنوستىق جانە پوليكونفەسسيالىق قوعامدى دامىتۋ, تۇراقتىلىقتى, قوعامدىق كەلىسىمدى ءجا­نە ۇلتتىق بىرلىكتى قامتاماسىز ەتۋ ءجو­نىن­دەگى حالىقارالىق تاجىريبەگە قوسقان ۇلەسى ماڭىزدى ەكەندىگىن اتاپ وتەمىز. ءبىز مەملەكەتتەردىڭ ىشكى تۇراق­تى­لى­عىنىڭ, ولاردىڭ تابىستى دامۋى مەن قاۋىپسىزدىگىنىڭ ماڭىزدى فاك­تو­رى رەتىندە ەتنوساياسي جانە ەتنوالەۋ­مەتتىك كونتەكستەگى قوعامدىق كەلىسىمنىڭ حالىق­ارالىق ءمانى ارتىپ كەلە جاتقاندىعىن اتايمىز. ايماقتىق قاۋىپسىزدىكتى قامتاماسىز ەتۋدەگى ەلىمىز ءرولىنىڭ ماڭىزدىلىعىن مويىنداي وتىرىپ, كونفەرەنتسياعا قا­تى­سۋشىلار قازاقستاننىڭ شىعىس پەن باتىستىڭ وركەنيەتىن جاقىنداتۋعا, ەۋرازيا كەڭىستىگىنىڭ رۋحاني جانە مادەني داستۇرلەرىن بىرىكتىرۋگە دەگەن ۇمتىلىسىن جوعارى باعالايدى. پىكىرتالاس بارىسىندا قازاقستاننىڭ قوعامدىق كەلىسىم مەن ۇلتتىق بىرلىك مودەلىن قالىپتاستىرۋداعى تابىستى تاجىريبەسى, سونىمەن بىرگە, قازاقستان حالقى اسسامبلەياسىنىڭ مەملەكەت پەن قوعامنىڭ ءوزارا ءىس-قيمىلىنىڭ بىرەگەي ينس­تيتۋتى, تۇراقتىلىق فاكتورى, قوعام­دىق كەلىسىمنىڭ مىزعىماس نەگىزى ءارى ور­نىقتى دامۋدىڭ كەپىلى رەتىندەگى ءرولى ايرىقشا اتالىپ ءوتتى. قازاقستان تاۋەلسىزدىك جىلدارى پو­لي­ەتنوستىق دامۋدىڭ ستراتەگيالىق رەسۋرس­ىنا اينالعان قاۋىپسىز جانە تۇراقتى ەلگە اينالعاندىعىن قاناعاتتانارلىقپەن اتايمىز. قازاقستان حالقى اسسامبلەياسىنىڭ ءتا­جى­ريبەسى – قازاقستاندىقتاردىڭ بەي­بىت­شىلىك پەن كەلىسىممەن ءومىر سۇرۋگە, حالىق­تىڭ تاريحىن, مادەنيەتىن جانە ءداستۇر­لەرىن ساقتاي وتىرىپ, ورتاق بولاشاق­تى قۇرۋعا دەگەن قۇلشىنىسىنىڭ جارقىن دالەلى. اسسامبلەيا جىلى نۇرسۇلتان نازار­باەۆتىڭ كەزەكتەن تىس پرەزيدەنتتىك سايلاۋدا ەرەكشە جەڭىسكە جەتۋى, «نۇرلى جول» جاڭا ەكونوميكالىق ساياساتىن, ايتۋلى ينستيتۋتتىق رەفورمالاردى ءجا­نە ماڭگىلىك ەل جالپىۇلتتىق يدەياسىن  ءجۇ­زەگە اسىرۋدى باستاۋ جىلىمەن تۇسپا-تۇس كەلۋىنىڭ تەرەڭ سيمۆولدىق ءمانى بار. كونفەرەنتسياعا قاتىسۋشىلار قازاق­ستاننىڭ ەۋرازيا كەڭىستىگىندەگى مەملەكەتتەرمەن مادەني-گۋمانيتارلىق ىنتى­ماقتاستىقتى ودان ءارى تەرەڭدەتە تۇسۋگە نيەتتى ەكەندىگىن تولىعىمەن ماقۇلداي وتىرىپ, بەيبىتشىلىك, مەيىرىمدىلىك, ءداس­تۇرلەر كۇشى جانە ەلدەردى, حالىقتاردى دامىتۋداعى جانە وركەنيەتتەر دامۋ­ىن­داعى جاڭاشىلدىقتىڭ تابىسىنا دەگەن وزدەرىنىڭ جاقىن ەكەندىگىن بىلدىرەدى. الەم ەتنوسارالىق شيەلەنىستەرگە رۋحاني باستاۋدىڭ, بەيبىتشىلىكcۇيگىشتىك پەن قوعامدىق كەلىسىمنىڭ تۇتاستىعىن قارسى قويۋى قاجەت. ءبىز قازاقستاننىڭ جۇيەلىلىكپەن جانە سەنىمدىلىكپەن دامىپ كەلە جاتقان ەل رەتىندە, ءار ءتۇرلى ەتنوستار, مادەنيەتتەر جانە دىندەر توعىسقان جاس ءارى كۇشتى مەملەكەت رەتىندە, بۇگىنگى تاڭدا ۇنقاتىسۋ مەن ىنتىماقتاستىقتى قۇرۋدا اشىق الاڭ ءارى سەنىمدى ارىپتەس رەتىندە تانىلىپ وتىرعاندىعىن اتاپ وتەمىز. ءبىز, حالىقارالىق پارلامەنتتىك كون­فەرەنتسياعا قاتىسۋشىلار, قازاق­ستان حالقىن, قازاقستان رەسپۋب­لي­كاسىنىڭ پرەزيدەنتى, قازاقستان حالقى اس­سام­بلەياسىنىڭ توراعاسى ن.نازارباەۆتى  قا­زاق­ستان حالقى اسسامبلەياسىنىڭ 20 جىل­دىعىمەن قۇتتىقتايمىز جانە قازاقستان حالقىنا ءوسۋ مەن وركەندەۋ تىلەيمىز! استانا, 2015 جىلعى 16 ماۋسىم