ارنايى وكىلدىڭ الىس ەلگە ساپارى

قازاقستان رەسپۋبليكاسى پرەمەر-ءمينيسترىنىڭ ەلىمىزدىڭ كانديداتۋراسىن 2017-2018 جىلدارى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ىلگەرىلەتۋ بويىنشا ارنايى ەلشىسى باعدات امىرەەۆ دجيبۋتي رەسپۋبليكاسىندا بولىپ, وندا وسى ەل پرەزيدەنتى يسمايل ومار گۋللەحپەن كەزدەستى. كەزدەسۋ كەزىندە ب.امىرەەۆ ەلباسى نۇرسۇلتان نازارباەۆتىڭ دجيبۋتي پرەزيدەنتىنە جولداۋىن تابىستاپ, قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندە اتقاراتىن بولاشاق قىزمەتىنىڭ باسىمدىقتارى تۋرالى حاباردار ەتتى. باسىمدىقتار قاتارىندا, اتاپ ايتقاندا, بەيبىتشىلىك پەن تۇراقتىلىقتى نىعايتۋ مەن بۇۇ-نىڭ بىتىمگەرشىلىك الەۋەتىن ارتتىرۋ, بۇۇ قاۋىپسىزدىك كەڭەسىن رەفورمالاۋ, يادرولىق قارۋسىزدانۋ, حالىقارالىق قۇقىقتىڭ ۇستەمدىگى, ورنىقتى دامۋ مەن ازىق-ت ۇلىك قاۋىپسىزدىگىن قامتاماسىز ەتۋ جانە باسقا دا ماسەلەلەر اتالدى. دوستىق راۋىشتە ايتارلىقتاي ۋاقىتقا سوزىلعان اڭگىمە بارىسىندا ەكىجاقتى ىنتى­ماق­تاس­تىقتىڭ ەكونوميكا مەن مادە­نيەت سالالارىنداعى, سونداي-اق, بۇۇ, افريكا وداعى, يسلام ىنتى­ماق­تاستىعى ۇيىمى مەن باسقا دا قۇرىلىمدار اياسىنداعى كوپ دەڭگەيلى قارىم-قاتىناستاردىڭ پەرسپەكتيۆالارى اتاپ  كورسەتىلدى. ب.امىرەەۆ, سونداي-اق, دجي­بۋتي پرەزيدەنتىن 2017 جىلى استانادا ەكسپو-2017 مامان­دان­دىرىلعان حالىقارالىق كور­مەسى وتەتىنىنەن قۇلاعدار ەتىپ, دجيبۋتي باسشىلىعى مەن كومپانيالارىن اتالعان كورمەگە بەلسەندى قاتىسۋعا شاقىردى. ب.امىرەەۆ پەن ي.گۋللەح ارا­سىنداعى كەزدەسۋگە دجيبۋتي رەس­پۋب­ليكاسىنىڭ سىرتقى ىستەر ءمينيسترى  م.يۋسەف پەن قازاقستان رەسپۋبليكاسىنىڭ ەفيوپيا فەدە­راتيۆتى دەموكراتيالىق رەسپۋب­ليكاسىنداعى توتەنشە جانە وكىلەتتى ەلشىسى, دجيبۋتي رەسپۋب­ليكاسىندا ەلشىلىك قىزمەتتى قوسا اتقارۋشى ەرلىك ءالي قاتىس­تى. اتالعان ديپلوماتتار ەندى ەكى­جاقتى ىنتىماقتاستىقتى ءارى قاراي دامىتۋ ءۇشىن جۇمىس ىستەي­تىن بولادى. «ەگەمەن-اقپارات».