اۋىل شارۋاشىلىعى مينيسترلىگىنىڭ كوميتەت باسشىسى تاعايىندالدى

استانا. 16 ماۋسىم. اۋىل شارۋاشىلىعى مينيسترلىگىنىڭ ۆەتەريناريالىق باقىلاۋ جانە قاداعالاۋ كوميتەتىنىڭ توراعاسى بولىپ ساقتاش حاسەنوۆ تاعايىندالدى. بۇل تۋرالى اتالعان مينيسترلىكتىڭ ءباسپاسوز قىزمەتى حابارلادى. ساقتاش ساتىبالدى ۇلى حاسەنوۆ 1960 جىلى 12 قاڭتاردا قوستاناي وبلىسى قاراقالپاق اۋىلىندا تۋعان. 1982 جىلى لەنينگراد اۋىل شارۋاشىلىعى ينستيتۋتىن اگرونوميا ماماندىعى بويىنشا ءبىتىردى. ەڭبەك جولىن 1982 جىلى پسكوۆ وبلىسى «قارامىش» سوۆحوزىنىڭ باس اگرونومى رەتىندە باستادى. 1997-2000 جىلدارى قوستاناي وبلىسىنىڭ «30 لەت تسەلينى» اتىنداعى سوۆحوز ديرەكتورى, اۋىل شارۋاشىلىق مينيسترلىگى قوستاناي وبلىستىق اۋماقتىق باسقارماسىنىڭ باستىعى قىزمەتتەرىن اتقاردى. ال 2000-2005 جىلدارى اۋىل شارۋاشىلىعى مينيسترلىگىنىڭ قۇرىلىمدىق بولىمشەلەرىندە جۇمىس جاسادى. 2005-2006 جانە 2010-2011 جىلدارى اۋىل شارۋاشىلىعى ۆيتسە-ءمينيسترى بولدى. سونداي-اق, اتالعان مينيسترلىكتىڭ اگروونەركاسىپتىك كەشەنىندەگى مەملەكەتتىك ينسپەكتسيا كوميتەتىن باسقاردى. اۋىل شارۋاشىلىعى عىلىمىنىڭ كانديداتى. «قۇرمەت» وردەننىڭ يەگەرى (2006 ج.). ەلامان قوڭىر. دەرەك: اۋىل شارۋاشىلىعى مينيسترلىگىنىڭ ءباسپاسوز قىزمەتى. سۋرەت: ortcom.kz.