قوستانايدا گاز باللونى جارىلىپ, مونشا كەشەنى جانىپ كەتتى

قوستاناي. 16 ماۋسىم. قوستانايداعى مونشا كەشەنىنىڭ ەكىنشى قاباتىنداعى گاز باللونى جارىلىپ, ءورت شىقتى. ءورت جوعارعى قاباتتارعا لاۋلادى. ساناۋلى مينۋتتاردا مانساردانى قىزىل جالىن ورادى. بۇل تۋرالى alau.kz سايتىنا سىلتەمە جاساي وتىرىپ,egemen.kz ءتىلشىسى حابارلادى. ورتكە قارسى قىزمەت باستىعى دميتري پولونچۋك: «ءتىلسىز جاۋ 150 شارشى مەتردى شارپىدى.  كەشەننىڭ ءبىر عانا ەسىگى بولعاندىقتان, ءورتتى اۋىزدىقتاۋ وڭايعا تۇسكەن جوق. كەشەن سالىنعان قۇرىلىس ماتەريالى وتە تەز جانادى جانە ودان ۋلى ءتۇتىن بولىنەدى. ءتىلسىز جاۋ اۋىزدىقتالدى, بىراق ءورت قايتا تۇتانباس ءۇششىن سۋدى مول قۇيدىق» دەدى. ماماندار ءورتتىڭ وتە كۇردەلى ەكەندىگىن ايتتى.  وعان بۇكىل گارنيزوندى كوتەرۋگە تۋرا كەلدى. ءورتتى سوندىرۋگە 8 ءورت سوندرگىش ماشينا, جەكە قۇرامنان 100 ادام قاتىستى. ءورتتىڭ سەبەبى انىقتالۋدا. ءنازيرا جارىمبەتوۆا. دەرەك, سۋرەت: alau.kz