فوتو: ۆيدەودان الىنعان كادر
قالالىق پوليتسيا دەپارتامەنتىنىڭ ءباسپاسوز قىزمەتى حابارلاعانداي, كۇدىكتى دەرەۋ قاماۋعا الىنعان.
بۇعان دەيىن سوتقا دەيىنگى تەرگەۋ سوت-پسيحياتريالىق ساراپتاماعا بايلانىستى ۇزىلگەن ەدى. ال قازىرگى ۋاقىتتا ءوندىرىس قالپىنا كەلتىرىلىپ, ءتيىستى ساراپتامالار تاعايىندالعان.
سونىمەن قاتار تەرگەۋ اياقتالعاننان كەيىن قىلمىستىق ءىس ماتەريالدارى سوتقا جىبەرىلەدى.
ەستەرىڭىزگە سالا كەتەيىك, وسى جىلدىڭ ناۋرىز ايىندا الماتىدا Merkur Towers تۇرعىن ءۇي كەشەنىنىڭ اۋماعىندا ايۋاندىقپەن كىسى ءولتىرۋ وقيعاسى بولعان ەدى. كولىككە مىنگەن ەر ادام الدىمەن كۇزەتشىنى بىرنەشە رەت قاعىپ, كەيىن ونى ۇرىپ ولتىرگەن.
