ورالداعى «يۋنوست» ستاديونى جاساندى مۇزبەن جابدىقتالادى

ورال. 15 ماۋسىم. باتىس قازاقستان وبلىسىنىڭ ورتالىعى – ورال قالاسىنداعى «يۋنوست» ستاديونىنا قۇنى 1,95 ملن. دوللاردى قۇرايتىن جاساندى مۇز توسەلەدى. بۇل تۋرالى وبلىستىق سپورت ءبولىمىنىڭ باسشىسى مىندەتىن اتقارۋشى داۋرەن مۇقانوۆتىڭ سوزىنە سىلتەمە جاساعان egemen.kz ءتىلشىسى حابارلادى. «قازىر جوبا دايىندالۋ ۇستىندە. سودان كەيىن مەملەكەتتىك كوميسسيا تەكسەرەدى. بۇل جۇمىس قاراشىعاناق پەترولەۋم وپەرەيتينگ كومپانياسىنىڭ الەۋمەتتىك باعدارلامالارى اياسىندا جۇزەگە اسادى. جوسپار بويىنشا قۇرىلىس جۇمىستارى 1 تامىزدا باستالىپ, قازان ايىندا اياقتالۋى ءتيىس. ەگەر جوبانى مەملەكەتتىك كوميسسيا ماقۇلداسا بارلىعىن ۋاقىتىندا اياقتاۋعا مۇمكىندىك بار. جاساندى مۇز +10 گرادۋسقا دەيىن ەرىمەيدى. ازىرگە جۇمىستى جۇرگىزەتىن مەردىگەرلەر بەلگىسىز. ولار ءتيىستى بايقاۋ وتكىزگەننەن كەيىن انىقتالادى», – دەدى داۋرەن مۇقانوۆ. ال «اقجايىق» حوككەي كومانداسىنىڭ ديرەكتورى ازامات شايحىنىڭ ايتۋىنشا, بۇل جاڭالىق جەرگىلىكتى حوككەيشىلەرگە ەرەكشە اسەر ەتكەن. «بىزدەر بۇل جاڭالىقتى زور قۋانىشپەن قابىلدادىق. جوبا جۇمىستارى وسى اپتادا اياقتالۋى ءتيىس. مۇزدىڭ كولەمى 110ح70 مەتر بولادى. مۇنداي ايدىندا حالىقارالىق جارىستاردى دا وتكىزۋگە بولادى», – دەدى ول. تەمىر قۇسايىن. دەرەك: egemen.kz. سۋرەت: mgorod.kz.