الماتى.16 ماۋسىم. قازاق حاندىعىنىڭ 550 جىلدىق مەرەيتويى اياسىندا جاستار مەن پارتيا بەلسەندىلەرىنە تاريحي-مادەني ەسكەرتكىشتەرىمىزدى تانىتۋ جانە حالىق اراسىندا ۇلتتىق قۇندىلىقتارىمىزدى ناسيحاتتاۋ ماقساتىندا «نۇر وتان» پارتياسى اۋەزوۆ اۋداندىق فيليالى تاريحي ورىندارعا ساياحات ۇيىمداستىردى. ءىس-شارانى اۋدان اكىمىنىڭ ورىنباسارى ارحات وماروۆ اشىپ, تاريحي-مادەني ەسكەرتكىشتەردى تاماشالاۋعا شىققان جۇرتشىلىققا ءسات-ساپار تىلەدى. بۇل تۋرالى egemen.kz حابارلادى.
قازاق حاندىعىنىڭ 550 جىلدىعىنا وراي ۇيىمداستىرىلعان بۇل ءىس-شارا حالىقتىڭ ۇلتتىق ساناسىن قالىپتاستىرۋدى, ءتول تاريحىمىز بەن مادەني ەسكەرتكىشتەرىمىزگە قۇرمەتپەن قاراۋدى, تاريحي-مادەني مۇرالارىمىزدى دارىپتەۋدى ماقسات تۇتتى. وعان «نۇر وتان» پارتياسىنىڭ باستاۋىش پارتيا ۇيىمدارىنىڭ وكىلدەرى, جەرگىلىكتى اتقارۋشى ورگانداردىڭ, «جاس وتان» جاستار قاناتىنىڭ بەلسەندىلەرى, جۋرناليستەر مەن ولكەتانۋشىلار قاتىستى.
تاريحي ەسكەرتكىشتەرگە تاعزىم ەتۋدى كوزدەگەن «نۇروتاندىقتار» قاراساي اۋدانىندا بولىپ ناۋرىزباي باتىر ەسكەرتكىشىنە گۇل شوقتارىن قويدى.
باتىر بابا ەسكەرتكىشىنىڭ باسىندا جورىققا قاتىسۋشى پارتيا بەلسەندىلەرىن قاراساي اۋداندىق پارتيا فيليالى توراعاسىنىڭ ءبىرىنشى ورىنباسارى بەيبىت تولەگەن, قاراساي اۋداندىق ءماسليحات حاتشىسى ەدىل قاليەۆ جانە ەلباسىنىڭ ۇستازى سەيىتحان يساەۆ ەرەكشە ىقىلاسپەن قارسى الدى. 96 جاستاعى قارت ۇستاز سەيىتحان احمەت ۇلىنىڭ الماتىلىق پارتيا بەلسەندىلەرىنە اقجول تىلەگەن باتاسى مەن ماعىنالى, ءماندى سوزدەرى اسەرلى شىقتى. بۇدان كەيىن قاراساي اۋدانىنداعى «نۇروتاندىقتار» ارىپتەستەرىن قاسكەلەڭ قالاسىنىڭ ورتالىعىنداعى ۇلى وتان سوعىسىنىڭ ارداگەرلەرىنە ارنالعان ەسكەرتكىش پەن ماڭگىلىك الاۋعا باستادى. ول جەردە وتان ءۇشىن وت كەشكەندەر ەسكە الىنىپ, ارداگەرلەر ەسكەرتكىشتەرىنە گۇل شوقتارى قويىلدى. قازاقستاننىڭ تۇڭعىش پرەزيدەنتىنىڭ مۇراجايىندا بولدى. مۇراجاي ديرەكتورى ءماريام مۇساتايقىزى ولكە تاريحىنان سىر شەرتسە, ەلباسىنىڭ ۇستازى سەيىتحان احمەت ۇلى نۇرسۇلتان نازارباەۆتىڭ جاستىق شاعى تۋرالى اڭگىمەلەپ بەردى.
بۇدان كەيىن تاريحي-مادەني جورىق جامبىل اۋدانىندا جالعاستى. ۇزىناعاش اۋىلىندا جورىققا قاتىسۋشىلاردى جامبىل اۋداندىق پارتيا فيليالى توراعاسىنىڭ ءبىرىنشى ورىنباسارى جۇمابەك شاجاباەۆ قارسى الدى. اۋدان ورتالىعىنداعى ءسۇيىنباي ارون ۇلى مەن قاراساي باتىردىڭ, جامبىل اۋىلىنداعى جامبىل جاباەۆ پەن حالىق قاھارمانى, ايگىلى سازگەر نۇرعيسا تىلەنديەۆتىڭ ەسكەرتكىشتەرىنە گۇل شوقتارى قويىلدى. ەكى ورتادا ءۇش قوڭىر ورتا مەكتەبىنىڭ ارداگەر ۇستازى, قازاق ءتىلى مەن ادەبيەتى ءپانىنىڭ بۇرىنعى مۇعالىمى, ءبىلىم بەرۋ ءىسىنىڭ ۇزدىگى اقليما كوسەموۆانىڭ ءوز ەڭبەگىمەن اشقان «پرەزيدەنت الەمى» مۇراجايى دا تاماشالاندى. ەلباسى تۋرالى ەكى كىتاپ جازعان, جۇزىندە نۇر ويناعان اقليما اپاي ۇلت كوشباسشىسىنىڭ ۇستازدارى مەن ءومىربايانى تۋرالى ەلجىرەي اڭگىمەلەدى. قوناقتار ءسۇيىنباي ارون ۇلىنىڭ مۇراجايىندا ەجەلگى ساق, عۇن, ودان بەرگى تۇركى قاعاناتى داۋىرىنەن بەرمەن كەلە جاتقان ءبورىلى بايراقتىڭ قايتا قالپىنا كەلتىرىلگەن نۇسقاسىمەن تانىستى. تاريحي تانىمدى جاڭعىرتۋعا باعىتتالعان جورىق اتالعان باتىرلاردىڭ سۇرانشى مەن ساۋرىق باتىرلارعا ارناپ قويىلعان ەسكەرتكىشتەرى باسىندا تۇيىندەلدى.
تالعات ءسۇيىنباي.
دەرەك: egemen.kz.
سۋرەت:اۋەزوۆ اۋداندىق «نۇر وتان» پارتياسىنىڭ فيليالى.
الماتى.16 ماۋسىم. قازاق حاندىعىنىڭ 550 جىلدىق مەرەيتويى اياسىندا جاستار مەن پارتيا بەلسەندىلەرىنە تاريحي-مادەني ەسكەرتكىشتەرىمىزدى تانىتۋ جانە حالىق اراسىندا ۇلتتىق قۇندىلىقتارىمىزدى ناسيحاتتاۋ ماقساتىندا «نۇر وتان» پارتياسى اۋەزوۆ اۋداندىق فيليالى تاريحي ورىندارعا ساياحات ۇيىمداستىردى. ءىس-شارانى اۋدان اكىمىنىڭ ورىنباسارى ارحات وماروۆ اشىپ, تاريحي-مادەني ەسكەرتكىشتەردى تاماشالاۋعا شىققان جۇرتشىلىققا ءسات-ساپار تىلەدى. بۇل تۋرالى egemen.kz حابارلادى.
قازاق حاندىعىنىڭ 550 جىلدىعىنا وراي ۇيىمداستىرىلعان بۇل ءىس-شارا حالىقتىڭ ۇلتتىق ساناسىن قالىپتاستىرۋدى, ءتول تاريحىمىز بەن مادەني ەسكەرتكىشتەرىمىزگە قۇرمەتپەن قاراۋدى, تاريحي-مادەني مۇرالارىمىزدى دارىپتەۋدى ماقسات تۇتتى. وعان «نۇر وتان» پارتياسىنىڭ باستاۋىش پارتيا ۇيىمدارىنىڭ وكىلدەرى, جەرگىلىكتى اتقارۋشى ورگانداردىڭ, «جاس وتان» جاستار قاناتىنىڭ بەلسەندىلەرى, جۋرناليستەر مەن ولكەتانۋشىلار قاتىستى.
تاريحي ەسكەرتكىشتەرگە تاعزىم ەتۋدى كوزدەگەن «نۇروتاندىقتار» قاراساي اۋدانىندا بولىپ ناۋرىزباي باتىر ەسكەرتكىشىنە گۇل شوقتارىن قويدى.
باتىر بابا ەسكەرتكىشىنىڭ باسىندا جورىققا قاتىسۋشى پارتيا بەلسەندىلەرىن قاراساي اۋداندىق پارتيا فيليالى توراعاسىنىڭ ءبىرىنشى ورىنباسارى بەيبىت تولەگەن, قاراساي اۋداندىق ءماسليحات حاتشىسى ەدىل قاليەۆ جانە ەلباسىنىڭ ۇستازى سەيىتحان يساەۆ ەرەكشە ىقىلاسپەن قارسى الدى. 96 جاستاعى قارت ۇستاز سەيىتحان احمەت ۇلىنىڭ الماتىلىق پارتيا بەلسەندىلەرىنە اقجول تىلەگەن باتاسى مەن ماعىنالى, ءماندى سوزدەرى اسەرلى شىقتى. بۇدان كەيىن قاراساي اۋدانىنداعى «نۇروتاندىقتار» ارىپتەستەرىن قاسكەلەڭ قالاسىنىڭ ورتالىعىنداعى ۇلى وتان سوعىسىنىڭ ارداگەرلەرىنە ارنالعان ەسكەرتكىش پەن ماڭگىلىك الاۋعا باستادى. ول جەردە وتان ءۇشىن وت كەشكەندەر ەسكە الىنىپ, ارداگەرلەر ەسكەرتكىشتەرىنە گۇل شوقتارى قويىلدى. قازاقستاننىڭ تۇڭعىش پرەزيدەنتىنىڭ مۇراجايىندا بولدى. مۇراجاي ديرەكتورى ءماريام مۇساتايقىزى ولكە تاريحىنان سىر شەرتسە, ەلباسىنىڭ ۇستازى سەيىتحان احمەت ۇلى نۇرسۇلتان نازارباەۆتىڭ جاستىق شاعى تۋرالى اڭگىمەلەپ بەردى.
بۇدان كەيىن تاريحي-مادەني جورىق جامبىل اۋدانىندا جالعاستى. ۇزىناعاش اۋىلىندا جورىققا قاتىسۋشىلاردى جامبىل اۋداندىق پارتيا فيليالى توراعاسىنىڭ ءبىرىنشى ورىنباسارى جۇمابەك شاجاباەۆ قارسى الدى. اۋدان ورتالىعىنداعى ءسۇيىنباي ارون ۇلى مەن قاراساي باتىردىڭ, جامبىل اۋىلىنداعى جامبىل جاباەۆ پەن حالىق قاھارمانى, ايگىلى سازگەر نۇرعيسا تىلەنديەۆتىڭ ەسكەرتكىشتەرىنە گۇل شوقتارى قويىلدى. ەكى ورتادا ءۇش قوڭىر ورتا مەكتەبىنىڭ ارداگەر ۇستازى, قازاق ءتىلى مەن ادەبيەتى ءپانىنىڭ بۇرىنعى مۇعالىمى, ءبىلىم بەرۋ ءىسىنىڭ ۇزدىگى اقليما كوسەموۆانىڭ ءوز ەڭبەگىمەن اشقان «پرەزيدەنت الەمى» مۇراجايى دا تاماشالاندى. ەلباسى تۋرالى ەكى كىتاپ جازعان, جۇزىندە نۇر ويناعان اقليما اپاي ۇلت كوشباسشىسىنىڭ ۇستازدارى مەن ءومىربايانى تۋرالى ەلجىرەي اڭگىمەلەدى. قوناقتار ءسۇيىنباي ارون ۇلىنىڭ مۇراجايىندا ەجەلگى ساق, عۇن, ودان بەرگى تۇركى قاعاناتى داۋىرىنەن بەرمەن كەلە جاتقان ءبورىلى بايراقتىڭ قايتا قالپىنا كەلتىرىلگەن نۇسقاسىمەن تانىستى. تاريحي تانىمدى جاڭعىرتۋعا باعىتتالعان جورىق اتالعان باتىرلاردىڭ سۇرانشى مەن ساۋرىق باتىرلارعا ارناپ قويىلعان ەسكەرتكىشتەرى باسىندا تۇيىندەلدى.
تالعات ءسۇيىنباي.
دەرەك: egemen.kz.
سۋرەت:اۋەزوۆ اۋداندىق «نۇر وتان» پارتياسىنىڭ فيليالى.
