ول – ەلىمىزدەگى ايەلدەر اراسىنان شىققان العاشقى پەداگوگيكا عىلىمدارىنىڭ دوكتورى, اكادەميك. مازمۇندى ءىس-شارا اياسىندا «قازاقستانداعى ءبىلىم سالاسىندا ايەلدەردىڭ ءرولى» اتتى تاقىرىپتا كونفەرەنتسيا ءوتىپ, وندا عالىمنىڭ عيبراتتى ءومىرى مەن عىلىمي قىزمەتى جايىندا بايانداما وقىلدى.
– بۇل كىسى مەنىڭ عىلىمي جەتەكشىم بولدى. ۇزاق ۋاقىت جانىندا ءجۇرىپ, كوپ ءتالىم-تاربيە الدىم. بىلىممەن سۋسىندادىم. عىلىمنىڭ قىر-سىرىن مەڭگەردىم. اياۋلى ۇستازىمنىڭ ادامي بولمىسىنا ۇنەمى ءتانتىمىن. ءبىزدى تەك مامان رەتىندە عانا ەمەس, تۇلعا رەتىندە قالىپتاسۋىمىزعا ىقپالىن تيگىزدى. قازىر ءبىز سول كىسى سالعان ىزبەن شاكىرت تاربيەلەپ ءجۇرمىز. كۇلاش قۇنانتايقىزى – مەنىڭ عىلىمداعى انام. بۇگىنگە دەيىن قول جەتكىزگەن جەتىستىگىمە ونىڭ قوسقان ۇلەسى مول. ارداقتى عالىمنىڭ ەڭبەگىن ەلەپ, ەسىمىن ۇلىقتاعان ۋنيۆەرسيتەت باسشىلىعىنا ريزاشىلىعىمدى بىلدىرەمىن, – دەدى ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى, پەداگوگيكا عىلىمدارىنىڭ دوكتورى پەريزات سەيىتقازى.
قازاق ۇلتتىق قىزدار پەداگوگيكالىق ۋنيۆەرسيتەتىنىڭ رەكتورى گۇلميرا قاناي عالىمنىڭ قازاق قىزدارىنىڭ جوعارى ءبىلىم الۋىنا سىڭىرگەن ەڭبەگىنە توقتالدى.
«كۇلاش قۇنانتايقىزى قىزدار پەداگوگيكالىق ينستيتۋتىن 16 جىل باسقاردى. قازاق قىزدارىنىڭ جان-جاقتى ءبىلىم الۋىنا, عىلىممەن اينالىسۋىنا ۇيىتقى بولدى. عالىمنىڭ كوزى تىرىسىندە 400-دەن اسا وقۋ قۇرالى مەن وقۋلىقتار جانە مونوگرافيالارى جارىق كوردى. كۇلاش قۇنانتايقىزىنىڭ جەتەكشىلىگىمەن بىرنەشە عىلىم كانديداتى مەن دوكتورلار دايىندالدى. بۇگىنگى كۇندە دە «قۇنانتايقىزىنىڭ عىلىمي مەكتەبى» جاس ماماندار دايارلاۋ ىسىندە جالعاسىن تاۋىپ كەلەدى», دەدى ول.
ءىس-شارا سوڭىندا جەكەمەنشىك مەديتسينالىق ورتالىق اتىنان 4 ستۋدەنتكە 3 ميلليون تەڭگە كولەمىندە كۇلاش قۇنانتايقىزى اتىنداعى گرانت بەرىلىپ, ۇستاز ەڭبەكتەرى قويىلعان كورمە ۇيىمداستىرىلدى.
الماتى
