باتىس قازاقستاندا مىسىق اتقان ازاماتقا ايىپپۇل سالىندى

ورال. 16 ماۋسىم. باتىس قازاقستان وبلىسىنىڭ زەلەنوۆ اۋداندىق سوتى تاپا تال تۇستە پنەۆماتيكالىق قارۋمەن كوشەدەگى مىسىقتى اتقان ازاماتقا ايىپپۇل سالدى. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. وقيعا اتالعان اۋداننىڭ ترەنكينو اۋىلىندا بولعان. كوشەنىڭ قاق ورتاسىندا مىسىقتى ءۇش رەت اتقان ازامات ەندى 19 820 تەڭگە كولەمىندە ايىپپۇل تولەيتىن بولدى. وبلىستىق سوتتىڭ ءباسپاسوز قىزمەتى تاراتقان دەرەكتەرگە سۇيەنسەك, باتىس قازاقستان وبلىسى, زەلەنوۆ اۋدانى №2 سوتىنىڭ قاۋلىسىمەن قۇقىق بۇزۋشى اليعازيەۆ اكىمشىلىك قۇقىق بۇزۋ تۋرالى كودەكستىڭ 436-بابى, 1-تارماعى (ەلدى مەكەندە, ءتيىستى ورىننان تىس جەردە پنەۆماتيكالىق قارۋمەن اتۋ) بويىنشا جازالانعان. سوعان سايكەس, وعان 10 ايلىق ەسەپتىك كورسەتكىش مولشەرىندە, ياعني, 19 820 تەڭگە ايىپپۇل سالىنىپ وتىر. ال تراۆماتيكالىق تاپانشاسىن ءتيىستى ورىندار تاركىلەدى. تەمىر قۇسايىن. دەرەك: egemen.kz. سۋرەت: uralskweek.kz.