اقتوبە. 16 ماۋسىم. اقتوبەدە شىعىستىڭ قوس شىنارىنىڭ ءبىرى, قان مايداندا ەرلەرمەن بىرگە ەرلىكتىڭ اسقان ۇلگىسىن كورسەتكەن كەڭەس وداعىنىڭ باتىرى ءاليا مولداعۇلوۆانىڭ 90 جىلدىق مەرەيتويىنا وراي ءىس-شارا ءوتتى. بۇل تۋرالى egemen.kz ءتىلشىسى حابارلادى.
الدىمەن وبلىس ورتالىعىنداعى باتىر قىزدىڭ مەموريالدىق كەشەنىنە سوعىس جانە ەڭبەك ارداگەرلەرى, باتىردىڭ تۋىستارى, «ءاليا گ ۇلى» دوستارىن شاقىرادى» VI حالىقارالىق بالالار شىعارماشىلدىعى فەستيۆالىنە قاتىسۋشىلار جانە اقتوبەلىكتەر گۇل شوقتارىن قويدى.
سالتاناتتى شارادا ءسوز العان قالا اكىمىنىڭ ورىنباسارى ايگۇل ارىنعازيەۆا جينالعانداردى مەرەيتويمەن قۇتتىقتادى. ءاليانىڭ ەرلىگى حالقىنىڭ جادىندا ماڭگى ساقتالاتىنىن, اسىرەسە, جاستاردى وتانسۇيگىشتىككە تاربيەلەيتىنىن جەتكىزدى.
باتىر قىزىمىزدىڭ ناعاشى ءىنىسى ساپار مولداعۇلوۆ قۇرمەت كورسەتىپ جاتقان حالىققا ريزاشىلىعىن ءبىلدىردى. مۇنىڭ ءوزى ءاليا اپايىنىڭ رۋحى الدىنداعى ۇرپاق پارىزى ەكەنىن تىلگە تيەك ەتتى. سالتاناتتى ءساتتى ««ءاليا گ ۇلى» دوستارىن شاقىرادى» VI حالىقارالىق بالالار شىعارماشىلىعى فەستيۆالىنە قاتىسۋشىلار مىڭ بۇرالعان بيمەن بەدەرلەدى.
مەرەيتويلىق شارا كەڭەس وداعىنىڭ باتىرى ءاليا مولداعۇلوۆانىڭ مەموريالدىق مۋزەيىندە جالعاسىن تاپتى. مۇندا وبلىستىق مادەنيەت, مۇراعاتتار جانە قۇجاتتاما باسقارماسىنىڭ قولداۋىمەن «ماڭگىلىك عۇمىر» اتتى كەزدەسۋ ۇيىمداستىرىلدى. وندا اتالعان باسقارماس باسشىسىنىڭ ورىنباسارى قىدىرعالي ەرمۇحان ءسوز الىپ, جينالعانداردى ءاليا اپامىزدىڭ 90 جىلدىق مەرەيتويىمەن قۇتتىقتادى. بۇل ۇلكەن تويدىڭ باسى ەكەنىن, رەسپۋبليكالىق دەڭگەيدەگى مەرەكە 17-18 ماۋسىمدا اقتوبە قالاسىندا جانە ءاليا دۇنيەگە كەلگەن قوبدا توپىراعىندا جالعاساتىنىن ايتتى. اسكەري عىلىمدار دوكتورى كيم سەرىكبەۆ قازاقتىڭ قايسار دا باتىر قىزى ءاليانىڭ ەرلىگى ارقىلى تەك اقتوبەلىكتەر عانا ەمەس, بارشا قازاقستاندىقتار ماقتاناتىنىن ءمالىم ەتىپ, مۋزەيگە ەسكەرتكىش سىيلىعىن ۇسىندى. مايدانگەر مۇراباي كەمەر سوعىستا ءجۇرىپ ءاليا مەن مانشۇكتىڭ, مالىك عابدۋلليننىڭ كەڭەس وداعىنىڭ باتىرى اتانعانىن ەستىگەندەگى كوڭىل-كۇيلەرىن, مۇنىڭ ءوزى قازاقتار ءۇشىن ماقتانىش بولعانىن, جاۋىنگەرلەردىڭ رۋىحىن كوتەرگەنىن ايتتى. ءاليا مەن مانشۇكتىڭ ءومىرى مەن ەرلىگى, ولاردى ەستە قالدىرۋ باعىتىنداعى كوپتەگەن باستامالارعا ۇيتقى بولعان «قوس شىنار» قوعامدىق بىرلەستىگى اقتوبە قالالىق قايىرىمدىلىق قورىنىڭ توراعاسى عالىمجان بايدەربەس ءاليا اپامىز جايىندا مازمۇندى ءسوز سويلەدى.
اقىن امانتاي وتەگەنوۆ ءاليا تۋرالى اقىن-جازۋشىلاردىڭ قازاق تىلىندەگى شىعارمالارىن ورىس تىلىنە اۋدارعانىن ايتا كەلىپ, ءوزىنىڭ «كازاحي» دەگەن ولەڭىن وقىدى.
شارا بارىسىندا «ءاليا گ ۇلى» حالىقتىق بي ءانسامبلى, وبلىستىق فيلارمونيا ارتىستەرى ءوز ونەرلەرىن كورسەتىپ, گۋمانيتارلىق كوللەدجدىڭ «مەرگەندەر» توبى باتىر قىزدىڭ ەرلىك جولىن بەينەلەيتىن كورىنىس قويدى. مۋزەيدە ءاليا مولداعۇلوۆانىڭ تۋعان جەرى قوبدا ءوڭىرىنىڭ تىلسىم تابيعاتىن تۋىندىلارىنا ارقاۋ ەتكەن مارات وسپانوۆ اتىنداعى باتىس قازاقستان مەملەكەتتىك مەديتسينا ۋنيۆەرسيتەتىنىڭ دوتسەنتى, اۋەسقوي سۋرەتشى ا.كورۆاتتىڭ سۋرەت كورمەسى ۇيىمداستىرىلدى.
ساتىبالدى ءساۋىرباي.
دەرەك, سۋرەت: egemen.kz.
