فوتو: ۇكىمەتتىڭ ءباسپاسوز قىزمەتى
ەكى ەل پرەزيدەنتتەرى قول جەتكىزگەن ەكىجاقتى تاۋار اينالىمىن ارتتىرۋ بويىنشا ۋاعدالاستىقتاردىڭ جۇزەگە اسىرىلۋ بارىسىن قارادى. سونىمەن قاتار ونەركاسىپتىك كووپەراتسيا, سۋ, ەنەرگەتيكا, ترانزيت جانە كولىك, گاز سالالارىنداعى ءوزارا ءىس-قيمىل ماسەلەلەرى تالقىلاندى.
ايتا كەتەيىك, وزبەكستان قازاقستاننىڭ ورتالىق ازيا ايماعىنداعى نەگىزگى ساۋدا سەرىكتەسى سانالادى. بيىلعى سەگىز ايدىڭ قورىتىندىسى بويىنشا ەكى ەل اراسىنداعى ءوزارا ساۋدا كولەمى $2,5 ملرد قۇراعان. ولجاس بەكتەنوۆ ساۋدا-ەكونوميكالىق ىنتىماقتاستىقتى دامىتۋعا جانە ءوزارا ينۆەستيتسيا ءۇشىن قولايلى جاعداي جاساۋعا باعىتتالعان شارالاردى كەڭەيتۋ قاجەتتىگىن اتاپ ءوتتى.
«قازاقستان مەن وزبەكستاننىڭ بارلىق باعىتتا بىرلەسكەن جۇمىسىنىڭ كەلەشەگى زور. بۇعان, ەڭ الدىمەن, مەملەكەتتەر باسشىلارى قاسىم-جومارت كەمەل ۇلى توقاەۆ پەن شاۆكات ميرومونوۆيچ ميرزيوەۆ اراسىنداعى سەنىمدى ساياسي ديالوگ ىقپال ەتىپ وتىر. استانادا وتكەن بيزنەس-فورۋم اياسىندا قول قويىلعان $7 ملرد كولەمىندەگى ينۆەستيتسيالىق كەلىسىمدەر مەن كوممەرتسيالىق كەلىسىمشارتتار ايتارلىقتاي ۇلەس قوسادى. بۇگىنگى كەزدەسۋ جاڭا ءىرى جوبالاردى جۇزەگە اسىرۋدىڭ باستاۋى بولىپ, بۇكىل ورتالىق ازيا ايماعىنىڭ تۇراقتى ەكونوميكالىق دامۋىنا زور ۇلەس قوساتىنىنا سەنىمدىمىن», دەدى ولجاس بەكتەنوۆ
مۇناي-حيميا, مەتاللۋرگيا, اۆتوموبيل, يندۋستريالدىق, ازىق-ت ۇلىك, حيميا جانە فارماتسەۆتيكا سالالارىندا ۇلكەن ەكسپورتتىق الەۋەت بار. قازاقستان وزبەكستانعا جالپى قوسىلعان قۇنى جوعارى ەلىمىزدىڭ تاۋارلارىنىڭ 40 ءتۇرى بويىنشا قۇنى $550 ملن-نان اساتىن ەكسپورتتىق جەتكىزىلىمدەر كولەمىن ارتتىرۋعا دايىن.
وزبەكستان پرەمەر-ءمينيسترى ابدۋللا اريپوۆ بۇگىندە ەكى ەل اراسىنداعى قارىم-قاتىناستىڭ باسىم باعىتى وڭىرارالىق ىنتىماقتاستىقتى دامىتۋ بولىپ وتىرعانىن اتاپ ءوتتى.
«سوڭعى 7 جىلدا وزبەكستان مەن قازاقستان اراسىنداعى ءوزارا تاۋار اينالىمى 2,5 ەسەگە جۋىق ءوسىپ, وتكەن جىلى $4,4 ملرد-قا جەتتى. بۇگىندە وزبەكستاندا قازاقستاندىق كاپيتالدىڭ قاتىسۋىمەن 1 مىڭنان استام كاسىپورىن جۇمىس ىستەيدى. شەكارالاس وڭىرلەر ءبىر-بىرىمەن – قاراقالپاقستان رەسپۋبليكاسى ماڭعىستاۋ وبلىسىمەن, تاشكەنت تۇركىستان وبلىسىمەن, ناۋاي قىزىلوردا وبلىسىمەن تىكەلەي ءارى تىعىز بايلانىس ورناتقان. ءبىزدىڭ باسقا ايماقتارىمىز دا بايلانىستاردى دايەكتى تۇردە نىعايتىپ, ساۋدا-ساتتىق جانە ونەركاسىپتىك كووپەراتسيانى دامىتىپ كەلەدى. بۇل رەتتە ءالى ىسكە اسىرىلماعان ۇلكەن الەۋەت بار», دەدى ابدۋللا اريپوۆ.
سونداي-اق, فورۋم بارىسىندا ينۆەستيتسيا كولەمى $3,4 ملرد-تى قۇرايتىن 74 بىرلەسكەن جوبانى ىسكە اسىرۋدى جانە 14,6 مىڭ جۇمىس ورنىن قۇرۋدى كوزدەيتىن ونەركاسىپتىك كووپەراتسيانى دامىتۋعا ەرەكشە نازار اۋدارىلدى. ونىڭ ىشىندە قازاقستان اۋماعىندا 65 كاسىپورىن اشۋ جوسپارلانۋدا, بۇل ەلىمىزدە 13,6 مىڭ جاڭا جۇمىس ورنىن قۇرۋدى قامتاماسىز ەتەدى.
بۇگىندە ەلىمىزدە 9, وزبەكستاندا تاعى 3 بىرلەسكەن جوبا جۇزەگە اسىرىلعان. بۇل جالپى 4,8 مىڭ جاڭا جۇمىس ورنىن اشۋعا مۇمكىندىك بەردى. قازاق-وزبەك ونەركاسىپتىك كووپەراتسياسى ىنتىماقتاستىعىنا مىسال رەتىندە قوستانايداعى Chevrolet Onix اۆتوموبيلدەرىنىڭ شاعىن توراپتىق ءوندىرىسىن, سارانداعى تۇرمىستىق تەحنيكا شىعاراتىن زاۋىتتى, شىمكەنت قالاسىنداعى جانە تۇركىستان وبلىسىنداعى تىگىن جانە ءجىپ ءيىرۋ-توقۋ فابريكالارى, انگرەندەگى اۆتوكلاۆتى گاز-بەتون ءوندىرىسى جانە باسقا دا ءوندىرىس ورىندارى جاتادى. «ورتالىق ازيا» حالىقارالىق ونەركاسىپتىك كووپەراتسيا ورتالىعىن قۇرۋ ەكى ەل ۇكىمەتتەرىنىڭ بىرلەسكەن جۇمىسىنا جاڭا سەرپىن بەرمەك. مۇندا ء«بىر تەرەزە» قاعيداتى بويىنشا قىزمەتتەر ەنگىزىلىپ, كاسىپكەرلەر ءۇشىن سالىقتىق, كەدەندىك جەڭىلدىكتەر مەن باسقا دا ارتىقشىلىقتار قاراستىرىلعان.
