ەۋروپاعا «F-22 Raptor» ەكادريلياسىن ورنالاستىرۋعا رۇقسات بەرىلدى

الماتى. 16 ماۋسىم. اقش اسكەري اۋە كۇشتەرىنىڭ ءمينيسترى دەبورا لي دجەيمس ەۋروپاعا امەريكالىق يسترەبيتەلدەردىڭ ەڭ سوڭعى بەسىنشى بۋىنى – «F-22 Raptor» ەكادريلياسىن ورنالاستىرۋعا رۇقسات ەتتى. لە-بۋرجەدەگى (فرانتسيا) اۆياسالوندا جۋرناليستەرگە بەرگەن سۇحباتىندا دجەيمس حانىم سونداي مالىمدەمە جاسادى. بۇل تۋرالى ۆۆس حابارلادى. «اقش اۋە كۇشتەرىنىڭ ەڭ سوڭعى ۋلترا-قازىرگى زامانعى يسترەبيتەلدەرىنىڭ ەۋروپا جاققا  قونىس اۋدارۋى – رەسەيدىڭ اۋماقتاعى كۇش كورسەتۋ ارەكەتتەرىنە جاۋاپ بولادى» دەدى مينيستر. ەۋروپاعا توسىن كەلگەن ءىس-ساپارىنىڭ سىرىنىڭ دا وسىندا جاتقانىن ەسكە سالعان مينيستر-ايەل, رەسەيدىڭ قازىرگى ارەكەتى مەن ول ەلدەگى بولىپ جاتقان ساياسي وقيعالار قاۋىپ-قاتەردىڭ تاياپ قالعانىن بايقاتاتىنىن دا اتاپ ءوتتى. سونداي-اق, مينيستر ەۋروپاداعى ناتو مۇشەلەرىنە قورعانىسقا ارنالعان قاراجاتتى باستاپقى كەلىسىمگە نەگىزدەپ ءبولىپ تۇرۋىن ەسكە سالدى. «ءبىز ەۋروپاداعى وداقتاستارىمىزبەن قاي كەزدە دە, قانداي جاعدايدا دا يىق تىرەسىپ بىرگە بولامىز دەپ سەندىرەمىن», – دەدى دەبورا لي دجەيمس. دۇيسەنبى كۇنى پەنتاگون شىعىس ەۋروپاعا تانك قويمالارى مەن اۋىر تەحنيكا جەتكىزۋ تۋرالى ماسەلە تالقىلادى. تالعات ءسۇيىنباي. دەرەك: ۆۆس. سۋرەت: Reuters.