اقتوبە. 16 ماۋسىم. اقتوبەدەگى تاحاۋي احتانوۆ اتىنداعى وبلىستىق دراما تەاترىندا «جاستار جالىنى-2015» جاستار شىعارماشىلىق جوباسىنىڭ قورىتىندى گالا-كونتسەرتى ءوتتى. بۇل تۋرالى egemen.kz ءتىلشىسى حابارلادى.
مادەني ءىس-شاراعا ارنايى قاتىسقان وبلىستىق جاستار ساياساتى ماسەلەلەرى باسقارماسىنىڭ باسشىسى داريعا يسماعامبەتوۆا بيىلعى «جاستار جالىنى-2015» جوباسىنىڭ ەلباسىنىڭ «100 ناقتى قادام» ۇلت جوسپارى نەگىزىندە, قازاقستان حالقى اسسامبلەياسىنىڭ جانە قازاقستان رەسپۋبليكاسى كونستيتۋتسياسىنىڭ 20 جىلدىعى, قازاق حاندىعىنىڭ 550 جىلدىعى, ۇلى جەڭىستىڭ 70 جىلدىعى اياسىندا شىعارماشىل جاستاردى بىرىكتىرىپ وتىرعانىن جەتكىزدى. ونىڭ ايتۋىنشا, شىعارماشىلىق جوبا اياسىندا «شەكسىز شىعارماشىلىق», «ءتۇرىمىز باسقا, تىلەگىمىز ءبىر», «مەنىڭ ماماندىعىم – مەنىڭ ماقتانىشىم», «نامىستى جاستار», «جاستار ارنا», «ءبىز اقتوبەنىڭ تالانتتارىمىز» وبلىستىق بايقاۋلارى, «Street workout» وبلىستىق ءتۋرنيرى وتكىزىلگەن.
وبلىستاعى تالانتتى جاستاردىڭ جاڭا بەلەستەردى باعىندىرۋعا دەگەن ىنتا-جىگەرى ەرەكشە. جوباعا 1000-عا جۋىق جاس قاتىستى. ولاردىڭ شىعارماشىلىق تۇرعىدان وركەندەۋىنە بارلىق جاعداي جاسالۋدا. دارىندى جاستاردى انىقتاپ, وبلىستىڭ مادەني-قوعامدىق ومىرىنە بەلسەنە ارالاسۋىنا ىقپال ەتۋدى كوزدەيتىن جوباسى ءوز ماقساتىنا تولىق جەتتى دەسەك, ارتىق ايتقاندىق ەمەس.
گالا كونتسەرت بارىسىندا وبلىستىق جاستار ساياساتى ماسەلەلەرى باسقاراماسىنىڭ باسشىسى داريعا يسماعامبەتوۆا جوبا اياسىندا وتكەن بايقاۋ جەڭىمپازدارى مەن جۇلدەگەرلەرىن ديپلومدارمەن جانە باعالى سىيلىقتارمەن ماراپاتتادى.
ساتىبالدى ءساۋىرباي.
دەرەك, سۋرەت: egemen.kz.
