اقتاۋ. 16 ماۋسىم. اقتاۋدا ورتالىقتاندىرىلعان سۋمەن جابدىقتاۋ تورابى ىسكە قوسىلدى. بۇل تۋرالى egemen.kz ءتىلشىسى حابارلادى.
«اق بۇلاق» باعدارلاماسى اياسىندا ستراتەگيالىق ماڭىزى زور نىسان اقتاۋ قالاسىنىڭ جوعارعى شاعىن اۋداندارىن ساپالى اۋىز سۋ جانە تەحنيكالىق سۋمەن قامتاماسىز ەتۋ ماقساتىندا سالىنعان. №4 ورتالىق سۋمەن جابدىقتاۋ تورابىنىڭ نەگىزگى ماقساتى – جاڭا شاعىن اۋدانداردى اۋىز سۋمەن قامتاماسىز ەتۋ.
ءتورتىنشى ورتالىق سۋمەن جابدىقتاۋ تورابىنىڭ قۇرىلىسىنا 2008-2010 جىلدارى جەرگىلىكتى بيۋدجەتتەن بولىنگەن 480,466 ملن. تەڭگە قاراجات يگەرىلگەن. «اس قۇرىلىس» جشس قۇرىلىس جۇمىستارىن جۇرگىزگەن مەكەمە ەندى 26 ادامدى تۇراقتى جۇمىسپەن قامتيتىن بولادى. اقتاۋدا جۋىردا «كاسپي سۋ تۇششىتۋ زاۋىتىن» ىسكە قوسۋ جوسپارلانعان. قازىر كاسىپورىندى جاڭعىرتۋ مەن قايتا قۇرىلىمداۋ جۇمىستارى اياقتالۋدا. زاۋىت ىسكە قوسىلسا, تەك اقتاۋ قالاسىن عانا ەمەس, كورشى مۇنايلى, قاراقيا جانە تۇپقاراعان اۋداندارىنىڭ بىرقاتار اۋىلدارىن ساپالى اۋىز سۋمەن قامتاماسىز ەتۋگە مۇمكىندىك تۋادى.
گۇلايىم شىنتەمىرقىزى.
دەرەك, سۋرەت: egemen.kz.
