رەسەيدىڭ بەلگىلى ءانشىسى جاننا فريسكە قايتىس بولدى

استانا. 16 ماۋسىم. رەسەي ەستراداسىنىڭ بەلگىلى ءانشىسى جاننا فريسكە 41 جاسقا قاراعان شاعىندا قايتىس بولدى. ول 2013 جىلى ونكولوگيالىق دەرتكە شالدىققان بولاتىن. بۇل تۋرالى ريا «نوۆوستي» حابارلادى. ميىنان قاتەرلى ىسىك تابىلعان ءانشى اقش پەن گەرمانياداعى بەلدى ەمحانالاردا ەمدەلدى. سونداي-اق, ونىڭ ونەردەگى دوستارى مەن جانكۇيەرلەرى قولداۋ ماقساتىندا 60 ملن. رۋبل جيناپ, قارجىلاي كومەك كورسەتتى. جۇيەلى ەم-دومنىڭ ارقاسىندا فريسكەنىڭ جاعدايى ايتارلىقتاي جاقسارعان ەدى. دارىگەرلەر دە ومىرىنە ەشقانداي قاۋىپ ءتونىپ تۇرماعانىن ايتىپ, مالىمدەمە جاسادى. الايدا, ءبىر-ەكى بۇرىن ونىڭ تاعى دا ەم قابىلداۋ كەرەكتىگى بەلگىلى بولدى. جاننا فريسكە كوپشىلىككە رەسەي ەستراداسىنداعى «بلەستياششيە» توبى ارقىلى تانىمال بولدى. اتالعان ۇجىمدا ول 1996 جىلدان 2003 جىلعى دەيىن ونەر كورسەتتى. توپتان كەتكەننەن كەيىن جەكە شىعارماشىلىقپەن اينالىستى جانە بىرنەشە فيلمدە باستى رولدەردى سومدادى. ەلامان قوڭىر. دەرەك, سۋرەت: ريا «نوۆوستي».