جۇك قابىلداۋدىڭ زاماناۋي جۇيەسى

استانا قالاسىندا قازىرگى زامانعى جانە قۋاتتى تەحنولوگيامەن جابدىقتالعان كونتەينەرلىك الاڭى بار كولىكتىك-لوگيستيكالىق ورتالىقتىڭ (كلو) قۇرىلىسى اياقتالۋعا جاقىن. دەر كەزىندە قولعا الىنعان جالپى قۇنى 151 ميلليون دوللار تۇراتىن اۋقىمدى جوباعا «قتج» ۇك» اق ەنشىلەس كاسىپورنى «كتZ Express» اق ارقاۋ بولۋدا. ەلباسى نۇرسۇلتان نازارباەۆ ەلى­مىزدىڭ بارلىق دەڭگەيدەگى ينفرا­قۇرى­لىمىن دامىتۋ ماسەلەسىنە ءبىرىنشى كەزەكتە باسىمدىق بەرىپ وتىر. مەملەكەت باسشىسى «نۇرلى جول – بولاشاققا باستار جول» اتتى جولداۋىندا «ءبىرىن­شى. كولىكتىك-لوگيستيكالىق ينفرا­قۇرى­لىمداردى دامىتۋ. ول ماكرو­وڭىر­لەردى حابتار قاعيداتى بويىنشا قالىپتاستىرۋ اياسىندا جۇزەگە اسى­رى­لاتىن بولادى. ونىڭ ۇستىنە, ينفرا­قۇرىلىمدىق قاڭقا استانامەن جانە ماكرووڭىرلەردى ماگيسترالدى اۆتوموبيل, تەمىرجول جانە اۋە جولدارىمەن شۇعىلا قاعيداتى بويىنشا ءوزارا بايلانىستىردى», دەپ اتاپ كورسەتتى. وسىعان بايلانىستى ەلىمىزدىڭ وڭىرلەرىندە كولىك­تىك-لوگيستيكالىق حابتاردى قۇرۋ ءىسى قولعا الىندى. سونىڭ ءبىرى استانا قالا­سىنداعى كولىكتىك-لوگيستيكالىق ورتا­لىق بولماق. ا273 كوشەسى مەن استانا – قاراعان­دى تاس جولىنىڭ قيىلىسىندا, قىر­قىن­شى ستانسانىڭ ماڭايىندا ورنا­لاسقان, ۇلكەن كونتەينەرلىك الاڭى, قۇر­عاق جانە كليماتتىق جۇك ساقتاۋ قوي­­­ماسى, الىپ ساۋدا ورتالىعى بار كو­لىك­­تىك-لوگيستيكالىق ورتالىقتىڭ قۇ­رى­­لىس اۋماعىندا اباتتاندىرۋ جۇ­مى­­سى قىزۋ جۇزەگە اسىرىلۋدا. ءسويتىپ, ەكسپو-2017 حالىقارالىق كورمە­سى­نە جان-جاقتى دايىندىق ءۇستىن­دە­گى ەلوردادا ءتيىمدى لوگيستيكالىق ءتىز­بەك قالىپتاسپاق. ماسەلەن, قاۋىرت قيمىل­دار­دىڭ ناتيجەسىندە قويمالار كەشە­نىنە جەتكىزىلگەن تاۋارلار ءتيىستى سورە­لەرگە ورنالاستىرىلادى. كلو ورتالىعىندا قازىر توڭازىتقىش-مۇز­داتقىش كامەرالار ىسكە قوسىلىپ, تاۋار ساقتالاتىن قويمالار سىناقتان وتكىزىلۋدە. – ءبىرىنشى, نەگىزگى كەزەڭ مارە سىزى­عىن كەسۋگە تاقالىپ, ەكىنشى كەزەكتەگى جۇمىستار كوپ كۇتتىرمەي باستاۋ الادى دەپ جوسپارلانۋدا. جۇمىس كولەمى كوپ, ولاردى ۋاقتىلى ەڭسەرۋگە تىرىسۋدامىز. جالپى, كولىكتىك-لوگيستيكالىق ورتالىقتاردىڭ ارتىقشىلىعى سول, كو­لىك قاتىناسىنا دا, وندىرىستىك-تەحني­كالىق, ونەركاسىپتىك جۇك پەن حالىق تۇر­مىسىندا كەڭىنەن قولدانىلاتىن كەز كەلگەن ازىق-ت ۇلىك تاۋارلارىن ءتۇسىرىپ, قايتا تيەۋگە دە, شوعىرلاندىرىپ, وڭدەۋ قىزمەتتەرىن كورسەتۋگە دە ىڭعايلى بولۋى ءتيىس. بۇگىندە استانا جانە شىمكەنت شاھارلارىندا «ا+» سىنىبىنداعى زاماناۋي كلو قۇرىلىستارى سالىنىپ, پايدالانۋعا بەرىلۋدە. بىلىكتى ماماندار تۇساۋكەسەر راسىمدەرىنەن سوڭ يگىلىكتى ىستەرگە بىلەك سىبانا كىرىسەدى, – دەيدى استانا كلو قۇرىلىسىن باسقارۋ مەن باقىلاۋعا جاۋاپتى «Continental Logistics» جشس-ءنىڭ تەحنيكالىق ديرەكتورى تىلەكجان نۇركەنوۆ. استانا كولىكتىك-لوگيستيكالىق ورتا­­لىعى بولاشاقتا حالىقارالىق جانە رەسپۋبليكالىق, قالالىق جانە ءوڭىر­لىك جۇك اعىنىن ورتاق ارنادا توعىس­تىرماق. جاڭا تەمىرجول ۆوكزالىمەن كورشى­لەس 51 گەكتار جەر تەلىمىندەگى العاش­قى قۇرىلىس كەزەگى اياقتالدى. پايدا­لانۋعا بەرىلگەن قۇرعاق جۇك قويما­سىنىڭ اۋماعى 27650 شارشى مەتردى, كليماتتىق قويما 11520 شارشى مەتردى قۇرايدى. كونتەينەرلىك الاڭ 8 گەكتار جەردى الىپ جاتسا, ساۋدا ءۇيى 24000 شارشى مەتردى الىپ جاتىر. كەلەسى كەزەكتە اكىمشىلىك-تۇرمىستىق كەشەن مەن قوناقۇي تۇرعىزىلادى ەكەن. كونتەينەرلىك تەرمينالدارعا جەكە-دارا توقتالساق, الاڭ پليتالارى 100 تن/م2 جۇكتەمەنى قينالماي كوتەرىپ, بۇل اۋماققا ءبىر ۋاقىتتا 4000 تەU جۇك ورنالاسادى. كونتەينەرلىك كران بىردەن 45 توننا جۇك كوتەرەدى. وسى ورايدا, بەرتىنگە دەيىن بۇرىنعى كەڭەس وداعى داۋىرىنەن قالعان ينفراقۇرىلىمدى پايدالانۋعا ءماجبۇر بولعان ەلى­مىزدە تەرمينال-قويمالار جەلىسى حالىق­ارا­لىق باعالاۋ دارەجەسىندە سوڭعى «س» ساناتىنا جانە ودان دا تومەن جايعاس­قانى ءبىراز جايتتى اڭعارتسا كەرەك. ەندى ورتا­لىقتاندىرىلعان, كەدەندىك قوسى­نى كادەگە جارايتىن, جابىق نەمەسە اشىق ۆاگونداردى ستانسادان جەت­كىزۋ, كەدەندىك رەسىمدەۋ, اقاۋلاردى سۇرىپتاۋ, جارامسىزىن جويۋ سىندى قوسىمشا قىزمەتتەرمەن شۇعىلداناتىن كولىكتىك-لوگيستيكالىق ورتالىق نارىق­قا سونى لەپ اكەلمەك. تاعى ءبىر ايتا كەتە­تىن ماسەلە, ەت پەن بالىق, جەمىس-جي­دەك, كوكونىس سەكىلدى تاعام تۇرلەرىنىڭ تەز بۇزىلماۋىنا رەفريجەراتورلار قىز­مەت كورسەتپەك. ەسكەندىر ەرتاەۆ, «قتج» ۇق» اق بۇقا­را­مەن بايلانىس دەپارتامەنتىنىڭ مەنەدجەرى. سۋرەتتە: كولىكتىك-لوگيستيكالىق ورتالىقتىڭ قۇرىلىسى اياقتالۋعا جاقىن.