فوتو: اشىق دەرەككوز
ايتا كەتەيىك, بۇرىن وسى لاۋازىمدى اتقارعان الماس چۋكين 2024 جىلعى 6 قىركۇيەكتە ءوز وكىلەتتىگىن توقتاتقان ەدى. كەڭەستىڭ جاڭا قۇرامى 15 مۇشەدەن تۇرادى.
سونداي-اق وتىرىستا جەكەشەلەندىرۋ پروتسەسىنىڭ ادىسنامالىق نەگىزىن جەتىلدىرۋ ماسەلەلەرى مەن ء«تاريفتى ينۆەستيتسياعا ايىرباستاۋ» باعدارلاماسىنىڭ ىسكە اسىرۋ بارىسى قارالعان.
ۇەم مەملەكەتتىك اكتيۆتەردى باسقارۋ ساياساتى دەپارتامەنتىنىڭ ديرەكتورى جادىرا تەمىرباەۆا مەملەكەتتىك اكتيۆتەردى باسقارۋ سالاسىنداعى وزەكتى ماسەلەلەردىڭ ءبىرى جەكەشەلەندىرۋ پروتسەسىنىڭ ادىسنامالىق نەگىزىن جەتىلدىرۋ ەكەنىن اتاپ ءوتتى.
«مەملەكەت جەكە سەكتورمەن باسەكەگە تۇسپەۋى كەرەك, وسىنى ەسكەرە وتىرىپ, ەكونوميكانى ىرىقتاندىرۋ شەڭبەرىندە مەملەكەتتىڭ كاسىپكەرلىك قىزمەتكە قاتىسۋىنىڭ تۇجىرىمدامالىق تاسىلدەرى ايقىندالدى, ۇلتتىق جەكەشەلەندىرۋ كەڭسەسى قۇرىلدى, ونىڭ مىندەتى - جەكەشەلەندىرۋگە جاتاتىن مەملەكەتتىك اكتيۆتەردىڭ تىزبەسىن قالىپتاستىرۋ», دەدى جادىرا تەمىرباەۆا.
ال ۇەم تابيعي مونوپوليالاردى رەتتەۋ كوميتەتى توراعاسىنىڭ ورىنباسارى ميراس زەرىپباەۆ ۇلتتىق ەكونوميكا مينيسترلىگى 2023 جىلدان باستاپ سالالىق مەملەكەتتىك ورگاندارمەن جانە اكىمدىكتەرمەن بىرلەسىپ ىسكە اسىرىپ كەلە جاتقان ء«تاريفتى ينۆەستيتسياعا ايىرباستاۋ» باعدارلاماسىنىڭ ىسكە اسىرىلۋ بارىسى تۋرالى بايانداعان.
«باعدارلاما سالاعا جاڭا ينۆەستيتسيالاردى ىنتالاندىرۋ ارقىلى كوممۋنالدىق ينفراقۇرىلىمدى جاڭارتۋعا باعىتتالعان. جاڭا تاريفتىك ساياساتتى جۇزەگە اسىرۋ 2029 جىلعا دەيىن جالعاسادى. بۇل رەتتە ءبىز تۇپكىلىكتى تۇتىنۋشىلار ءۇشىن تاريفتەردىڭ كۇرت كوتەرىلۋىنە جول بەرمەۋدىڭ بارلىق شارالارىن قولدانىپ جاتىرمىز», دەدى ول.
جالپى, 2023 جىلى 267 ملرد تەڭگە ينۆەستيتسيا تارتىلعان. 5,8 مىڭ كم ينجەنەرلىك جەلى جوندەلىپ, جەلىلەردىڭ توزۋى 3,2%-عا تومەندەگەن.
2024 جىلعا 6,5 كم ينجەنەرلىك جەلىلەردى جاڭعىرتۋ ءۇشىن شامامەن 336,3 ملرد تەڭگە ينۆەستيتسيا تارتۋ كوزدەلىپ وتىر, بۇل توزۋ دەڭگەيىن تاعى 3%-عا تومەندەتۋگە مۇمكىندىك بەرەدى دەپ جوسپارلانعان.
